ԵՐԵՎԱՆ, 30 ապրիլի – Sputnik. Կորոնավիրուսի հետ կապված իրավիճակի պատճառով Ռուսաստանի Դաշնության կառավարությունը որոշում է կայացրել երկարաձգել օտարերկրյա քաղաքացիների մուտքի արգելքը։
Համապատասխան կարգադրությունը հրապարակված է ՌԴ կառավարության կայքում։
Ինչպես կորոնավիրուսի դեմ պայքարի համակարգող խորհրդի նիստին նշել է ՌԴ վարչապետ Միխայիլ Միշուստինը, կորոնավիրուսի իրավիճակով պայմանավորված ՌԴ սահմանը հատելու սահմանափակումների չեղարկման վերաբերյալ դեռ հստակ ժամկետներ հնարավոր չէ նշել։
Միշուստինը հայտնել է նաև, որ սահմանափակումների ժամկետը երկարաձգվել է անորոշ ժամկետով` մինչև վարակի դեմ պայքարի ավարտը և համաճարակաբանական իրավիճակի բարելավումը։
Միևնույն ժամանակ օտարերկրյա քաղաքացիների որոշ խմբերի համար մուտքի սահմանափակումները կչեղարկվեն։ Դա մասնավորապես վերաբերում է մասնագետներին, որոնք իրականացնում են ներմուծված սարքավորումների կարգավորում և տեխսպասարկում։
Ռուսաստանի հայերի միությունն աջակցում է ՀՀ նախագահի՝ «Հայ պարկ» հիմնելու նախաձեռնությանը
Կարգադրության տեքստում նշվում է, որ մուտքի սահմանափակումները չեն գործում նաև արտասահմանում բնակվող ՌԴ քաղաքացիների` Ռուսաստան կամավոր տեղափոխման և վերաբնակեցման պետական աջակցության ծրագրի մասնակիցների համար: