ԵՐԵՎԱՆ, 27 ապրիլի –Sputnik. Ռուսաստանը ներկայացնող հայազգի օպերային երգչուհի Մարիա Գուլեգինան (Մեյթարջյան), որն ապրում է Լյուքսեմբուրգում, խստորեն պահպանում է կարանտինի ռեժիմը ինչպես՝ իսկական հայկական օջախում։ Այս մասին նա պատմել է «Սանկտ Պետերբուրգսկիե վեդոմոստի» թերթին։
«Ես կարգապահ մարդ եմ, պահպանում եմ բոլոր նորմերը։ Ինչպես իսկական հայկական օջախում, ես ամեն ինչ ունեմ։ Մեկ ամսվա ընթացքում մենք երկու անգամ ենք գնացել միայն միրգ ու բանջարեղեն, շան ու կատվի կեր գնելու, ռուսական խանութից պատվիրել ենք անհրաժեշտ ամեն ինչ», – ասել է Գուլեգինան։
Մինչև կարանտինը երգչուհին հասցրել է Մարիինյան թատրոնում երգել Ջուզեպե Վերդիի «Ճակատագրի ուժը» օպերայի Լենորայի պարտիան։ Իր ներկայացման համար նա Սանկտ Պետերբուրգ ժամանեց մարտի 11-ին, որից հետո ավիաընկերությունից հակառակ ուղղությամբ չվերթի չեղարկման մասին հաղորդում ստացավ։ Իսկ Լյուքսեմբուրգ վերադարձավ ավելի ուշ՝ Ամստերդամով։
«Նկարել ենք այնպես, ինչպես կարողացել ենք»․ «Լադանիվան» շարունակում է գերել հայերի սիրտը
Գուլեգինան խոստովանել է, որ համավարակի պատճառով ստիպված է եղել չեղարկել մի քանի համերգներ, սակայն նշել է, որ կարանտինում ամենևին չի տխրում, քանի որ իր ամբողջ ժամանակը տրամադրում է Շոտլանդիայից վերադարձած որդու (որն այնտեղ սովորում էր) հետ շփվելու համար։