«Շարմ հոլդինգը» «Մնա տանը» խորագրով հումորային տեսահոլովակ է նկարահանել։ Հայտնի «Տակա տակատա» երգը հայ աստղերը ներկայացնում են յուրովի` հորդորելով բոլորին տանը մնալ։ Երգը մեկ տասնյակից ավելի երգիչներ ու դերասաններ են կատարում` Արամե, Ռաֆայել Երանոսյան, Սարո Թովմասյան, Լևոն Հարությունյան, Էրիկ Կարապետյան, Ռոլանդ Գասպարյան, Զարուհի Բաբայան, Հայկ Պետրոսյան, Սոնա Շահգելդյան, Զառա Սահակյան, Սոնա, Լուիզա Ներսիսյան...
Լեդի Գագան համերգ է կազմակերպել COVID-19 հիմնադրամի համար. ո՞ր աստղերն են միացել նրան
«Երգը նվիրվում է բոլոր նրանց, ովքեր, տանը մնալով, կանխում են վարակի տարածումը: Տանը մնա, լավ ընկեր։ Տանը մնա, որ առողջ լինի երկիրը մեր»,–նշված է տեսահոլովակի նկարագրության մեջ։
Դերասան Լևոն Հարությունյանն, օրինակ, ասում է, որ տանը մնալով Skype շփվելիս` անգամ զոքանչն է անվնաս դառնում, իսկ երգչուհի Սոնան խոստովանում է, որ մինչև կարանտինն էլ ինքը «տանը մնացած էր»։
Հիշեցնենք, որ կորոնավիրուսի տարածումը կանխելու համար Հայաստանում մարտի 16-ից ապրիլի 14–ն արտակարգ դրություն էր սահմանվել։
Ապրիլի 11–ին կառավարության նիստում ՀՀ փոխվարչապետ, պարետ Տիգրան Ավինյանն առաջարկեց ևս 30 օրով երկարաձգել այդ ռեժիմը։
Ապրիլի 13–ին գործադիր մարմինն արտահերթ նիստում միաձայն ընդունեց հանրապետությունում արտակարգ դրության ռեժիմը 30 օրով երկարաձգելու որոշումը։
Այն կտևի մինչև 2020 թվականի մայիսի 14-ը` ժամը 17:00-ն ներառյալ։
«Մի՛» մնա տանը. ինչու են նման կոչ անում հայ հայտնիները. տեսանութ