Կենտրոնական բանկը նոր նախագահ ունի

ԵՐԵՎԱՆ, 17 ապրիլի– Sputnik.Հայաստանի Կենտրոնական բանկը նոր նախագահ ունի։ Ազգային ժողովը կողմ քվեարկեց «Իմ քայլը» խմբակցության առաջադրած Մարտին Գալստյանի թեկնածությանը։  Գալստյանը, ի դեպ, ԿԲ նախագահի միակ թեկնածուն էր։

ԱԺ պատգամավորներից քվեարկությանը մասնակցել է 119-ը: Գալստյանի թեկնածությանը կողմ է արտահայտվել 104 պատգամավոր, դեմ՝ 15-ը:

Նշենք, որ նա 2018–ից առ այսօր ՀՀ կենտրոնական բանկի խորհրդի անդամ է։

Մարտին Գալստյանը 1994-1999թթ. սովորել է Երևանի պետական համալսարանի տնտեսագիտության ֆակուլտետում, իսկ 2002թ. Երևանի պետական համալսարանում ստացել է տնտեսագիտության թեկնածուի աստիճան։

Արդեն 800 ընկերություն դիմել է կառավարության ծրագրերում ընդգրկվելու համար. ԿԲ

2009-2010թթ. որպես մագիստրոս սովորել է Հարվարդի Համալսարանի Ջոն Ֆ. Քենեդու անվան Կառավարման դպրոցում` Հանրային կառավարման ֆակուլտետում։ Դասավանդում է Հայաստանի ամերիկյան համալսարանում:

1998-2015թթ աշխատել է ՀՀ կենտրոնական բանկի ֆինանսական գործառնությունների վարչությունում. եղել է դիլեր, պորտֆելի կառավարիչ, բաժնի պետ, Վիճակագրության վարչություն, վարչության պետ։ 2015–18թթ. Դիլիջանի ուսումնահետազոտական կենտրոնի ղեկավարն է եղել։ Մարտին Գալստյանը 2018–ից առ այսօր ՀՀ կենտրոնական բանկի խորհրդի անդամ է։ Ամուսնացած է, ունի 3 երեխա։