ԵՐԵՎԱՆ, 14 ապրիլի – Sputnik․ Աշխարհում կորոնավիրուսով վարակվածների ընդհանուր թիվը գերազանցում է 1,9 միլիոնը: Տվյալներն այսօր հայտնել է Worldometer համաշխարհային վիճակագրությունների կայքը։
Վարակի տարածման տեմպերով դեռ «առաջատար» եռյակում են Միացյալ Նահանգները, Իսպանիան և Իտալիան։
Այսպես. ԱՄՆ-ում վարակվել է 587 155 մարդ, մահացել է 23 644 պացիենտ։
Իսպանիայում կորոնավիրուս է հայտնաբերվել 170 099 մարդու մոտ, մահացել է 17 756 քաղաքացի, իսկ Իտալիայում COVID-19 ախտորոշել են 159 516 մարդու մոտ: Վտանգավոր վարակի զոհ է դարձել 20 465 մարդ։
Կորոնավիրուսը բնության պատասխանն է մարդկանց․ Հռոմի պապ
Չինաստանը, որտեղից սկիզբ էր առել կորոնավիրուսի բռնկումը, հիմա վարակման վիճակագրության 7-րդ տողում է։ Այնտեղ վարակվածների ընդհանուր թիվը կազմում է 82 249, մահերի թիվը՝ 3 341:
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ։ Կազմակերպությունը բոլոր պետություններին կոչ է արել միավորվել վարակի դեմ պայքարում։
Տեղորոշման համակարգը թույլ է տալիս վերահսկել կորոնավիրուսի տարածման շղթաները․ Ավինյան