ԵՐԵՎԱՆ, 9 ապրիլի – Sputnik. ԱԻՆ Հիդրոմետ ծառայության օդերևութաբանական կենտրոնի պետ Գագիկ Սուրենյանը գյուղատնտեսներին հորդորել է Արարատյան դաշտում և նրա նախալեռնային գոտում բացօթյա սածիլում չկատարել։
«Հարգելի գյուղատնտեսներ, հաշվի առնելով այն հանգամանքը, որ մինչև ապրիլի 20-ը մեր երկրում ժամանակ առ ժամանակ դեռևս պահպանվելու են հյուսիսային ցուրտ օդային հոսանքների ներխուժումները, խուրհուրդ ենք տալիս, որ հատկապես Արարատյան դաշտում և նրա նախալեռնային գոտում բացօթյա սածիլում չկատարել»,- Facebook-ի իր էջում գրել է Սուրենյանը։
Ավելի վաղ Սուրենյանը կատակել էր, թե պառավը (պառվի ուլերը) ինքնամեկուսացումից փախել է, ու հույս ունեն, որ կբռնեն։ «Պառվի ուլերի» ժամանակահատված է համարվում ապրիլի 1-16-ը:
Երեկ էլ նա գյուղատնտեսներին հիշեցնում էր ցրտահարության վտանգի մասին: