Նախարարի դիտարկմամբ` նախազգուշական միջոցառումների առաջին հետևանքն այն է, որ տնտեսության բազմաթիվ ոլորտներ այսօր հարկադիր կանգառի մեջ են։ Ըստ նրա` անվտանգության նկատառումները եկել են առաջ, տնտեսական կապերը թե՛ արտաքին, թե՛ ներքին գործոնների պատճառով էապես սահմանափակվել են, և դա ազդում է գրեթե բոլոր ոլորտների վրա։
«Տնտեսական աճի հետ կապված կանխատեսումները փոխվում են օր օրի, որովհետև ամբողջ աշխարհն է իր մոտեցումները վերագնահատում և հանգուցալուծումը կախված է այն հանգամանքից, թե որքան երկար կշարունակվի այս սպասողական վիճակը։ Ամբողջ աշխարհը հույս ունի, որ կգտնվեն արդյունավետ լուծումներ, համաճարակի դեմ պայքարի արդյունավետ միջոցներ, ինչը թույլ կտա աստիճանաբար վերականգնել տնտեսական կյանքը»,– նշում է նախարարը։
Գազի գնի բարձրացման խնդիրը լուծելու հարցում Փաշինյանն ակնկալում է Պուտինի միջամտությունը
Խաչատրյանի խոսքով` արդեն հայտնի է, որ առաջին եռամսյակն իր տնտեսական ցուցանիշներով լինելու է համեստ, բայց կա կարծիք, որ տարվա երկրորդ կիսամյակում զգալի չափով տեղի է ունենալու տնտեսական վերականգնում։ Ըստ նրա` կառավարության հաստատած միջոցառումներն աջակցության թվով ավելի շատ են, ունեն առավելապես սոցիալական բնույթ և այժմ քննարկման փուլում են թվով 11-րդ ու 12–րդ միջոցառումները։
Փաշինյանը հանձնարարել է գյուղամթերքների արտադրության մշակման ծրագիր պատրաստել