ԵՐԵՎԱՆ, 3 ապրիլի – Sputnik. Այսօր և վաղը, ապրիլի 6-7-ը Հայաստանի Հանրապետության շրջանների զգալի մասում ժամանակ առ ժամանակ սպասվում է կարճատև անձրև, առանձին վայրերում հնարավոր է ամպրոպ։ Քամին՝ հարավ-արևմտյան՝ 3-8 մ/վ, ամպրոպի ժամանակ հնարավոր է քամու ուժգնացում՝ 15-20 մ/վ արագությամբ։ Տեղեկությունը հաղորդում է ՀՀ ԱԻՆ մամուլի ծառայությունը:
Ըստ կանխատեսումների՝ ապրիլի 5-ին սպասվում է առանց տեղումների եղանակ: Օդի ջերմաստիճանն էապես չի փոխվի։
Երևան քաղաքում ապրիլի 3-4-ը, 6-7-ին ժամանակ առ ժամանակ սպասվում է կարճատև անձրև և ամպրոպ, ամպրոպի ժամանակ հնարավոր է քամու ուժգնացում՝ 15-17 մ/վ արագությամբ։ Ապրիլի 5-ին սպասվում է առանց տեղումների եղանակ:
Հիշեցնենք՝ անկախ եղանակային պայմաններից՝ պետք է մնալ տանը, որովհետև Հայաստանում արտակարգ դրության խստացումներ են գործում: Կորոնավիրուսի տարածումը կանխելու ամենաարդյունավետ միջոցն ինքնամեկուսացումն է, և քանի որ եղանակն այնքան էլ կանչող չէ, դժվար չէ դա անելը:
«Մնա տանը» մարտահրավերը գրավել է սպորտի աշխարհը. հայերից ովքե՞ր են խաղում զուգարանի թղթով