Համացանցում տեսանյութ է տարածվել, որում երևում է, թե ինչպես են հայ բժիշկները շնորհավորում մեկուսացման մեջ գտնվող տղայի ծննդյան օրը։ Բժիշկները մոտենում են այն սենյակին, որտեղ գտնվում է տղան, մտաբերում են ծննդյան օրվա շնորհավորական երգը, կրկնում բառերն ու թակում դուռը։ Նրանց ձեռքում շոկոլադե տորթ է, վրան` մոմեր. լրանում է տղայի 11–ամյակը։
«Բայց այսօր քո ծնունդն է, մեծացել ես դու արդեն...», -երգում են բժիշկները։
Պողոսը դուռը բացում է ու շփոթված կանգնում։ Հետո երազանք է պահում ու փչում տորթի մոմերը։