ԵՐԵՎԱՆ, 31 մարտի – Sputnik. ՀՀ վարչապետ Նիկոլ Փաշինյանն այսօր հեռախոսազրույց է ունեցել Բելառուսի նախագահ Ալեքսանդր Լուկաշենկոյի հետ։ Այս մասին հայտնում է БЕЛТА–ն` հղում անելով Բելառուսի նախագահի մամուլի ծառայությանը։
Նշվում է, որ Փաշինյանն ու Լուկաշենկոն քննարկել են ներկայիս պայմաններում տնտեսության գործունեությունը` մատնանշելով առկա խնդիրները և դժվարությունները:
Զրուցակիցները կարծիքներ են փոխանակել ածխաջրածինների գնի շուրջ, որոնք Հայաստանն ու Բելառուսը ձեռք են բերում Ռուսաստանից։ Կողմերն արձանագրել են բնական գազի բարձր գինը և նշել, որ այն ակնհայտորեն չի համապատասխանում համաշխարհային մակարդակին և ընդհանուր առմամբ ներկայիս իրավիճակին։
Բացի այդ, Փաշինյանն ու Լուկաշենկոն քննարկել են նաև առողջապահական համակարգերի աշխատանքին և վիրուսային վարակների տարածմանը հակազդելուն ուղղված հարցեր։
Փաշինյանը Գախարիայի հետ քննարկել է Վրաստանի տարածքով հայկական բեռների փոխադրման հարցը
Նրանք անդրադարձել են նաև ԵԱՏՄ անդամ երկրների ղեկավարների հնարավոր հանդիպումը կազմակերպելու հարցը, որի ընթացքում նախատեսվում է քննարկել առաջացած տնտեսական մարտահրավերները։
Նման նախաձեռնությամբ հանդես է եկել Լուկաշենկոն՝ որպես ԵԱՏՄ–ում համանախագահող երկրի ղեկավար։ Նա ընդգծել է մանրամասն քննարկումներ պահանջող հրատապ հարցերի շրջանակը։
Բելառուսի նախագահը հանձնարարել է ԵՏՀ կոլեգիայի նախագահ Միխայիլ Մյասնիկովիչին քննարկել հարցը կողմերից յուրաքանչյուրի հետ։ Համաձայնելու դեպքում Մինսկը կառաջարկի հանդիպումն անցկացնել նեղ կազմով` երաշխավորելով բոլոր պատվիրակությունների անվտանգությունը։
Քննարկումների անցկացման այլընտրանքային ձևաչափ կարող է լինել ԵԱՏՄ առաջնորդների մասնակցությամբ տեսակապը։
«Եթե Հայաստանը դիմի, կօգնենք». դեսպանը` կորոնավիրուսի դեմ պայքարում ՌԴ աջակցության մասին