ԵՐԵՎԱՆ, 24 մարտի — Sputnik. Երևանի Արտեմ Միկոյան փողոցի թիվ 11 շենքի 3-րդ մուտքի նկուղում ձեռքի հակատանկային նռնակի պայթուցիչ է հայտնաբերվել։ Տեղեկությունը հաղորդում է ԱԻՆ մամուլի ծառայությունը:
Ահազանգն ԱԻՆ Ճգնաժամային կառավարման ազգային կենտրոնում ստացել են այսօր՝ մարտի 24-ին, ժամը 12:04-ին:
«Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը, քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական ջոկատը»,-ասվում է հաղորդագրության մեջ:
Իրականացվել է մուտքի բնակիչների տարհանում:
Պարզվել է, որ հայտնաբերվածը հանդիսանում է ձեռքի հակատանկային նռնակի պայթուցիչ (РКГ-3):
Իրականացվել է տարածքի հետախուզում ԱԻՆ կինոլոգների խմբի կողմից: