ԵՐԵՎԱՆ, 20 մարտի — Sputnik. Հայկական միասնական տեղեկատվական կենտրոնը հայտնում է, որ սննդի մեկամսյա պաշար կհատկացվի 4041 միայնակ տարեցի։
«ՀՀ աշխատանքի և սոցիալական հարցերի նախարարության աջակցությամբ՝ մեկ ամսվա սննդի անհրաժեշտ պաշար կհատկացվի 4041 միայնակ տարեցի: «Առաքելություն Հայաստան» և «Գերմանական Կարմիր խաչ» ընկերություններն այսօր սկսել են տարեցներին անհրաժեշտ սնունդով ապահովման ծրագիրը»,– նշված է հաղորդագրության մեջ։
Այսպիսով՝ «Առաքելություն Հայաստան» կազմակերպությունը Երևանում սնունդ կտրամադրի 1934 մարդու, ևս 1892 միայնակ տարեցի սնունդ կտրամադրվի մարզերում:
Կորոնավիրուսի վարակման 112-ը դեպքը կապված են Էջմիածնի և արտադրամասի դեպքերի հետ
«Գերմանական Կարմիր Խաչ» ընկերությունն էլ սննդի մեկամսյա պաշարով կապահովի 215 միայնակ տարեցի։
Հիշեցնենք` Երևանի փոխքաղաքապետ Տիգրան Վիրաբյանն ավելի վաղ հայտնել էր, որ համայնքային մանկապարտեզներում պահեստավորված սնունդը տրամադրվելու է սոցիալապես անապահով ընտանիքներին։
Հիշեցնենք` Հայաստանում կորոնավիրուսով վարակվածների թիվը հասել է 136–ի։