Էջմիածնից կարող են դուրս գալ բոլոր ցանկացողները, սակայն մինչև դուրս գալը հսկիչ կետում վարորդների և ուղևորների ջերմությունը չափում են հենց ավտոմեքենայի սրահում: Եթե այն 37 աստիճանից բարձր է, ապա վարորդին և ուղևորներին խնդրում են դուրս գալ ավտոմեքենայից, մի քանի րոպե կանգնել, որից հետո կրկին ջերմաչափում են իրականացնում:
Եթե ջերմաստիճանը նորմայի մեջ է, քաղաքացիներին անարգել թողնում են դուրս գալ քաղաքից, իսկ եթե ոչ, ապա լրացնում են հարցաթերթիկները, և նրանց ուղարկում են Էջմիածնի բուժկետ։
Ոստիկաններն ու բժիշկները դիմակներով ու ձեռնոցներով են աշխատում։ Նրանք պարբերաբար ախտահանում են իրենց ձեռքերը. աշխատում են համակարգված, կուտակումներ հիմնականում չկան, թեև նրանք ստուգում են բոլորին, առանց բացառության:
Ոստիկանության աշխատակիցները վարորդներին սովորեցնում են, թե ինչպես է պետք դիմակը ճիշտ կրել, ինչ պարբերականությամբ դրանք պետք է փոխել, իսկ բժիշկները չափում են մարդկանց ջերմությունը։ Ժողովրդի տրամադրությունը, ընդհանուր առմամբ, լավ է, բոլորը փորձում են օգտակար լինել միմյանց և ոչ մեկին չշեղել աշխատանքից:
«Աերոֆլոտը» չեղարկել է Երևանի ուղղությամբ չվերթերը
Նշենք, որ մարտի 18-ի դրությամբ Հայաստանում գրանցվել է կորոնավիրուսով վարակման 84 դեպք։ Մեծ թվով քաղաքացիներ վարակվել են Էջմիածնում կայացած նշանադրության ժամանակ։
Հանրայինի եթերում դասախոսություններ կհեռարձակվեն. Հարությունյանը` հեռավար ուսուցման մասին
Մարտի 16-ից Հայաստանում գործում է արտակարգ դրության ռեժիմ ՝ 30 օր ժամկետով (մինչև ապրիլի 14-ը)։ Չեն գործում կրթական և մշակութային հաստատությունները, չեղյալ են հայտարարվել զանգվածային միջոցառումները: