ԵՐԵՎԱՆ, 17 մարտի – Sputnik. Հնարավոր է` Լոնդոնի «Արսենալի» կիսապաշտպան, Հայաստանի ֆուտբոլի հավաքականի ավագ Հենրիխ Մխիթարյանը լիարժեք պայմանագիր կնքի իտալական «Ռոմայի» հետ։ Տեղեկությունը հայտնում է La Gazzetta dello Sport-ը։
Այս պահին հայ ֆուտբոլիստը «Ռոմայի» կազմում հանդես է գալիս վարձակալության իրավունքով։
Հաղորդագրության համաձայն՝ «Արսենալը» պատրաստ է Հենրիխին վաճառել «գայլերին» և պաշտոնական առաջարկի է սպասում նրանցից։
Ավելի վաղ «հռոմեացիների» գլխավոր մարզիչ Պաուլու Ֆոնեսկան հայտարարել էր, որ Մխիթարյանին տեսնում է իր թիմում և ցանկանում է, որ նա հիմնական սկզբունքով միանա թիմին։
31-ամյա հայ կիսապաշտպանի տրանսֆերային արժեքը գնահատվում է 25 միլիոն եվրո։
Հիշեցնենք, որ Իտալիայի Ա սերիայի ընթացիկ խաղաշրջանի ֆուտբոլի առաջնությունում Հենրիխ Մխիթարյանը 6 գոլ է խփել և չորս գոլային փոխանցման հեղինակ դարձել։
Սավինը բացահայտել է Հենրիխ Մխիթարյանի գաղտնիքները. ե՞րբ նա կդադարի խաղալ. տեսանյութ