ՀՀ քաղաքացիները յուրօրինակ ֆլեշմոբ են կազմակերպել։ Նրանք որոշել են ծափահարություններով շնորհակալություն հայտնել կորոնավիրուսի դեմ պայքարող բժիշկներին։
Սոցիալական ցանցերում տարածված տեսանյութից երևում է, որ Երևանի տարբեր թաղամասերում ֆլեշմոբին միացողներ են եղել։
Հայաստան կբերվեն կորոնավիրուսի ախտորոշման «արագ թեստեր». Տիգրան Ավինյան
Նշենք, որ տեսանյութերից մեկը Facebook-ի իր էջում հրապարակել է տարածքային կառավարման ու ենթակառուցվածքների նախարար Սուրեն Պապիկյանը։
Օգտատերերից շատերն նաև մեկնաբանություններում են իրենց երախտագիտությունը հայտնել կորոնավիրուսի դեմ օր ու գիշեր պայքարող բժիշկներին ու բուժանձնակազմին։
Իսկ Sputnik Արմենիայի թղթակիցը նկարել է «Սուրբ Գրիգոր Լուսավորիչ» ԲԿ–ի մոտ ընթացող ֆլեշմոբը։