ԵՐԵՎԱՆ, 14 մարտի — Sputnik. ՀՀ երրորդ նախագահ Սերժ Սարգսյանի իշխանության տարիներին ձեռք բերված 42 մլն դոլարի ենթադրյալ անպետք զինատեսակների փաստով հարուցված քրգործից «Ժողովուրդ» օրաթերթին մանրամասներ են հայտնի դարձել:
ՀՀ կառավարությունը փակել է 1980–ականների զենքերի ամոթալի էջը. Փաշինյան
«Այս քրեական գործով հարցաքննության են հրավիրվել 2016-2017 թվականների ընթացքում Զինված ուժերի պաշտոնատար անձինք։ Վերջիններս պնդել են, որ զենքը գնելու ժամանակ տեղյակ չեն եղել, որ այն անպիտան է»,–գրում է թերթը։
ԶՈՒ պաշտոնատար անձանց խոսքով՝ երբ զենքը գնվել է և փորձել են օգտագործել, այդ ժամանակ հասկացել են, որ այն չի կարողանում որսալ, ոչնչացնել հակառակորդի անօդաչու սարքը:
Ի՞նչ զինտեխնիկա է ոչնչացվել Հայաստանում. պարզաբանում է ՊՆ մամուլի քարտուղարը
«Ժողովուրդ» օրաթերթի տեղեկություններով՝ անպիտան զենքի դեպքով բացահայտումն արել է Ազգային անվտանգության ծառայությունը, իսկ ավելի ուշ քրեական գործն ուղարկվել է ՀՀ քննչական կոմիտե:
Հիշեցնենք, որ սահմանադրական բարեփոխումների հանրաքվեի «Այո»–ի քարոզարշավի ժամանակ Սյունիքի մարզի Տաթև համայնքում մարտի 11-ին Փաշինյանը հայտարարել էր, թե Սերժ Սարգսյանի իշխանությունը 42 մլն դոլար է տվել ու զենք առել։ Այդ զենքը, ըստ վարչապետի, չի աշխատում, ոչ մի բանի պիտանի չէ, ընդամենը մետաղի ջարդոն է:
«Ոչ մի յուրացում չի եղել». ԳՇ պետը խոսել է ORSIS–ից զենքի նոր գնումների մասին