Վրաստանում կորոնավիրուսով վարակվել է Հիվանդությունների վերահսկման կենտրոնի ղեկավարի որդին

Սա Վրաստանում հիվանդների հետ շփումից վարակվելու առաջին դեպքն է։ Մնացած հիվանդները արտերկրից եկածներ են։
Sputnik

ԵՐԵՎԱՆ, 7 մարտի — Sputnik. Վրաստանում հաստատվել է COVID-2019 կորոնավիրուսի նոր տեսակով վարակվելու տասներկուերորդ դեպքը։ Լրագրողներին տեղեկությունը հայտնել Է Թբիլիսիի ինֆեկցիոն հիվանդանոցի տնօրեն Մարինա Էզուգբայան, փոխանցում է Sputnik Գրուզիան։

Լրագրողներն ավելի շատ են նյարդայնացնում, քան կորոնավիրուսը. կյանքի ռիթմը` Ծաղկաձորում

Իրանում կորոնավիրուսից հայ կին է մահացել

Վարակվածներից մեկը Հիվանդությունների վերահսկման կենտրոնի ղեկավար Նիկո Գամկրելիձեի որդին է։ Տղամարդը վարակվել է Իտալիայից ժամանած աշխատակցից, որին հիվանդանոց են տեղափոխել անցած շաբաթ։

«Մեզ մոտ կորոնավիրուսով հիվանդ 10 մարդ կա։ Վերջինը վարակվել է հիվանդների հետ շփման արդյունքում։ Հաստատված դեպքը Նիկա Գամկրելիձեն է (Հիվանդությունների վերահսկման կենտրոնի ղեկավար Ամիրան Գամկրելիձեի որդին,- խմբ.): Երեկ շատ շփումներ են ստուգվել, բայց կորոնավիրուսը հաստատվել է միայն մեկի մոտ»,-ասել է Էզուգբայան։

«300 կգ սոխ և կարտոֆիլ, 120 լիտր բուսական յուղ». Տաջիկստանում խուճապ կա, կորոնավիրուս` ոչ

Չինացի գիտնականները կորոնավիրուսի կլինիկական ախտանիշների փոփոխություններ են հայտնաբերել

Չինաստանի կառավարությունը 2019 թվականի դեկտեմբերի 31-ին Առողջապահության համաշխարհային կազմակերպությանը հայտնել էր Ուհան քաղաքում անհայտ տեսակի թոքաբորբի բռնկման մասին։ Մասնագետները պարզել են, որ հիվանդության հարուցիչը նոր 2019-nCoV կորոնավիրուսն է։ ԱՀԿ–ն միջազգային նշանակության արտակարգ իրավիճակ է հայտարարել և հիվանդությանը տվել COVID-2019 պաշտոնական անվանումը։

Չինաստանի մայրցամաքային հատվածում վարակվածների թիվն անցնում է 80.5 հազարից։

Վարակը, սակայն, տարածվել է նաև աշխարհի բազմաթիվ այլ երկրներում, այդ թվում` Հայաստանին սահմանակից Իրանում և Վրաստանում։ Հայաստանում կորոնավիրուսով վարակվելու 1 դեպք է արձանագրվել։ 29–ամյա տղամարդը Հայաստան էր եկել Իրանից։ 

Կանանց նվեր կամ կորոնավիրուսի հախից գալու միջոց. Գագիկ Սուրենյանը +24 աստիճան է խոստանում