Կոտայքի մարզի Մրգաշեն գյուղի մոտակայքում այրվել է 1000-ից ավելի հնամաշ անվադող: Բռնկված հրդեհն ու թանձր ծուխը պատել էր ողջ շրջապատը, ծխի սյունը տեսանելի էր անգամ հեռվից։
Ինչպես հայտնում է ԱԻՆ մամուլի ծառայությունը, Ճգնաժամային կառավարման ազգային կենտրոնը հրդեհի մասին ահազանգը ստացել է մարտի 7-ին, ժամը 14:10-ին։
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, հրդեհաշիջման և փրկարարական աշխատանքների կազմակերպման բաժնի և Ճգնաժամային կառավարման ազգային կենտրոնի օպերատիվ խմբերը:
Ողբերգական վթար Իսակովի պողոտայում. Mercedes–ներից մեկի վարորդը տեղում մահացել է
Ավելի քան 3 ժամ տևած հրդեհաշիջման աշխատանքների արդյունքում հրշեջներին ի վերջո հաջողվել է մարել վտանգավոր կրակը։
Հրդեհը մեկուսացվել է ժամը 17:18-ին, մարվել՝ 18:38-ին: Այրվել է 5000 քմ խոտածածկ տարածք, ինչպես նաև 50 հակ անասնակեր և մոտ 1000 անվադող։