ԵՐԵՎԱՆ, 4 մարտի - Sputnik. Իտալական «Ռոմայի» և Հայաստանի ազգային հավաքականի կիսապաշտպան Հենրիխ Մխիթարյանը Instagram-ի իր էջում կնոջ և նորածին որդու հետ լուսանկար է հրապարակել։
Լուսանկարը հաշված րոպեների ընթացքում ավելի քան 50000 «լայք» է հավաքել։ Մխիթարյանի հետևորդները շնորհավորել են իրենց սիրելի ֆուտբոլիստին և բազմաթիվ բարեմաղթանքներ հղել։
«Աքչներդ լույս առողջ ու հաջողակ բալիկ մեծանա, սպասենք որ ՀՀ հավաքականում աշխարհի չեմպիոն կդառնա», «Պապիկի նման լավ մարդ, հայրիկի նման լավ ֆուտբոլիստ թող դառնա», - գրել են նրանք։
Ավելի վաղ հայտնել էինք, որ Մխիթարյանը հայրիկ է դարձել։ Նորածին որդուն ֆուտբոլիսը հոր անունով`Համլետ է կոչել։
Հիշեցնենք` անցյալ տարվա հունիսի 17-ին ֆուտբոլիստն ամուսնացել է հայ գործարար Միքայել Վարդանյանի դստեր` Բեթի Վարդանյանի հետ։ Հարսանեկան արարողությունն անցվել է Սուրբ Ղազար կղզում։
Սավինը բացահայտել է Հենրիխ Մխիթարյանի գաղտնիքները. ե՞րբ նա կդադարի խաղալ. տեսանյութ
Նրա հարսանիքը գրեթե համազգային նշանակության իրադարձություն դարձավ։ Ֆուտբոլիստի բազմաթիվ երկրպագուները հետևում էին համացանցում հայտնված յուրաքանչյուր հրապարակմանը։
Մխիթարյանի և Բեթիի հարսանիքի տեսանյութերը կարող եք դիտել այստեղ։