ԵՐԵՎԱՆ, 1 մարտի — Sputnik. Ծանրամարտի միջազգային ֆեդերացիան Ռումինիայի ծանրամարտի ֆեդերացիայի հետ քննարկումներից հետո որոշել է չեղարկել աշխարհի պատանիների առաջնության անցկացումը Ռումինիայիում. տեղեկանում ենք ծանրամարտի միջազգային ֆեդերացիայի պաշտոնական կայքից։
«Առաջնությունը պետք է կայանար մարտի 14-21-ը, սակայն Բուխարեստում կորոնավիրուսի տարածման և դրա կանխարգելման նպատակով որոշվեց չեղարկել այն»,–նշված է հայտարարության մեջ։
Չեղարկման համար հաշվի է առնվել նաև Ռումինիայի ծանրամարտի ֆեդերացիայի նախագահի` այն չեղարկելու խնդրանքը։
Ի դեպ, մրցաշարին պետք է մասնակցեին 80 երկրների ներկայացուցիչներ։ Ռումինիայում արդեն արձանագրվել է կորոնավիրուսով վարակման 3 դեպք։
Սիմոն Մարտիրոսյանն աշխարհի երկրորդ լավագույն ծանրորդն է. ո՞վ է զբաղեցրել առաջին տեղը
Հիշեցնենք, որ այս գիշեր Հայաստանում նույնպես հայտնաբերվել է կորոնավիրուսով վարակի առաջին դեպքը. վարակվածը Թեհրանից Հայաստան ժամանակ 29-ամյա տղամարդ է։