ԵՐԵՎԱՆ, 28 փետրվարի — Sputnik. Իդլիբում ավիահարվածի հետևանքով մահացած թուրք զինվորականների թիվը հասել է 33–ի։ Այս մասին հայտնում է «Ինտերֆաքս» գործակալությունը` հղում անելով թուրքական Հաթայի մարզի իշխանությանը։
Ավելի վաղ հայտնում էին 29 մահացածի մասին։
Իդլիբում ստեղծված իրավիճակի սրացման առիթով Թուրքիայի նախագահ Ռեջեփ Թայիփ Էրդողանը անվտանգության խորհրդի արտակարգ նիստ է անցկացրել։
Հալեպում սիրիական ուղղաթիռ է խոցվել
Ամփոփելով նիստը` «Արդարություն և զարգացում» իշխող կուսակցության մամուլի քարտուղար Օմար Չելիքը հայտնել է, որ Անկարան որոշել է Սիրիայի նախագահ Բաշար Ասադին հավատարիմ ուժերը «թշնամական թիրախ» համարել։ Նա խոստացել է նաև, որ Սիրիայում թուրք զինվորականների մահվան մեղավորներն ամենաբարձր գինը կվճարեն։
Սիրիական բանակի ՀՕՊ ուժերը հետ են մղել Դամասկոսի ուղղությամբ հրթիռային հարձակումը