ԵՐԵՎԱՆ, 22 սեպտեմբերի - Sputnik. Ըստ շրջանառվող որոշ լուրերի՝ երեկ կրակոցներ են հնչել Երևանում։ Թիրախում եղել է մոտ 50-ամյա մի տղամարդ, որը մայրաքաղաքի բնակիչ է։
Կրակոցներն արձակել են նրա մեքենայի ուղղությամբ։ Sputnik Արմենիայի տեղեկություններով՝ գնդակները միայն մեքենան են վնասել, տղամարդը հրազենային վնասվածք չի ստացել։
Հնչել է մի քանի կրակոց։ Մահափորձը կատարվել է Շենգավիթ վարչական շրջանի Շիրակի փողոցում, դեպքի վայր են ժամանել Քննչական կոմիտեի և ոստիկանության ծառայողները։
Ողբերգական դեպք Դիլիջանում. երիտասարդ զույգի դիեր են հայտնաբերել
Թաղամասում խոսում են, որ իրավապահներին հայտնի է կրակողի ինքնությունը։
Որոշ լուրերի համաձայն՝ տղամարդն աշխատում է Հովիկ Հայրապետյանի անվան ձիասպորտի կենտրոնում։
Ստեփանավանում երկու կանանց վրաերթի և ողբերգական մահվան տեսանյութը. 18+