Հյուրի ընտրությունը պատահական չէ։ Վերջերս Հակոբյանը հանրային թվային մուլտիպլեքսի հետ կապված առաջարկից հետո հայտնվեց ուշադրության կենտրոնում։ Նա ասել էր, որ իր կարծիքով` այդ մուլտիպլեքսում պետք է նվազեցնել օտար հեռարձակողների թիվը։
ԶԼՄ–ներում և սոցցանցերում անմիջապես թեժ քննարկումներ սկսվեցին։ Քանի որ օտար լեզվով հեռարձակվող ալիքների զգալի մասը ռուսական են, Հակոբյանին կասկածեցին հակառուսականության մեջ։ Եվ ուրիշ ովքե՞ր պիտի բոլոր կարևոր շեշտադրումներն անեին այդ աղմկահարույց պատմության հերոսի հետ, եթե ոչ լրագրող Պիսարենկոն և պատգամավոր Սանդիկովը, որոնք ազգությամբ հայ չեն, բայց բոլորը նրանց հայ են համարում։
«Վրեմյայից» առաջ և հետո, կամ ինչպես հայ լրագրողը խեցեգործ դարձավ ԱՄՆ–ում
Անկեղծ զրույցի ընթացքում պարզվեց, որ Տիգրան Հակոբյանը ռուսական մշակույթի հազվագյուտ արժեքներ կրող է։ Որպես ապացույց Հեռուստատեսության և ռադիոյի հանձնաժողովի նախագահը եթերում ասմունքեց Օսիպ Մանդելշտամի ոչ շատ հայտնի տողերը։ Ռուսական համայնքի պատգամավոր Ալեքսեյ Սանդիկովը հետ չմնաց և «Արտաշես և Սաթենիկը» ասմունքեց գրաբարով, իսկ Sputnik Արմենիայի ղեկավար Դմիտրի Պիսարենկոն շարունակեց Միքայել Նալբանդյանի հայտնի ստեղծագործությամբ։ Կարճ ասած, զվարճալի և բովանդակալից զրույց ստացվեց լեզվի դերի, շատ լեզուներ իմանալու կարևորության և ազգամիջյան հաղորդակցություն մասին։
Վերմակի տակ երգող Սեյրանյանը. ինչպես էր երևանցի գիտնականը փող հայթայթում հեռախոսով