ԵՐԵՎԱՆ, 20 փետրվարի — Sputnik. Մոսկվայում երեկ 90 տարեկանում մահացել է անվանի մասնագետ, ԽՍՀՄ նախկին գլխավոր անեսթեզիոլոգ, ՀՀ ԳԱԱ ակադեմիկոս Արմեն Բունիաթյանը։
Նա 7 գյուտի, 15 գրքի և ավելի քան 600 տպագրված գիտական աշխատանքների հեղինակ է։
Բունիաթյանն առաջիններից էր, որը անեսթեզիոլոգիայի ոլորտում ժամանակակից տեխնոլոգիաներ է ներդրել։
Արմեն Բունիաթյանը ծնվել է 1930 թվականին Երևանում։ Ավարտել է Ն.Ի.Պիրոգովի անվան Մոսկվայի II պետական բժշկական ինստիտուտը։ 1965 թվականին պաշտպանել է դոկտորականը, 1969-ին աշխատանքային ստաժ է անցել ԱՄՆ լավագույն կլինիկաներում։
«Երվանդ Մանարյանը փայլուն ժողովրդական արտիստ էր». Փաշինյանը ցավակցական հեռագիր է հղել
26 տարի ԽՍՀՄ առողջապահության նախարարության գլխավոր անեսթեզիոլոգն էր։
Բունիաթյանը Ռուսաստանի Խորհրդային Ֆեդերատիվ Սոցիալիստական Հանրապետության (ՌԽՖՍՀ) գիտության վաստակավոր գործիչ էր, Երևանի Հերացու անվան բժշկական համալսարանի պատվավոր դոկտոր, Պիրոգովի անվան ռուսական բժշկական և վիրաբուժական կենտրոնի պատվավոր դոկտոր, ՀՀ ԳԱԱ պատվավոր դոկտոր, Սեչենովի անվան Մոսկվայի առաջին պետական բժշկական համալսարան, անեսթեզիոլոգիայի եվրոպական ակադեմիայի ակադեմիկոս, Անգլիայի անեսթեզիոլոգների թագավորական քոլեջի և Իռլանդիայի վիրաբույժների թագավորական քոլեջի անեսթեզիոլոգիայի ֆակուլտետի գործող անդամ, ԱՄՆ կրիտիկական վիճակի բուժման միության թղթակից–անդամ էր:
«Գերմանի հեռանալով մեր հասարակությունը կորցրեց յուրահատուկ մի գույն». Աննա Հակոբյան
Բունիաթյանի հուղարկավորությունը տեղի կունենա փետրվարի 21-ին։