Սոցցանցերում մի տեսանյութ է հայտնվել, որն իրարամերժ քննարկումների առիթ է դարձել։ Տեսանյութում երևում է, որ տաքսու վարորդը ուղևորին տեղափոխելիս, մեքենան վարելու ընթացքում միաժամանակ նաև կենդանի երաժշտություն է ապահովում։
Վարորդի հնարամտությունը օգտատերերը տարբեր կերպ են արձագանքել։ Նրանց մի մասը քննադատել է վարորդի պահվածքը։
«Եթե ոստիկանը կանգնեցնի, ոնց ա տակից դուրս գալու: Էնքան տեխնիկա կար մեքենայի մեջ, որ մարդ շփոթվում ա», «վարելու ընթացքում գործիք նվագելու համար պետք է տուգանք սահմանել 20.000 դրամ ու 3 բալ»,- գրել են ապահով երթևեկության կողմնակիցները։
Օգտատերերի մեծ մասն էլ հիացական մեկնաբանություններ է գրել։ Վարորդի տաղանդով ոգևորվածները նույնիսկ նրա հեռախոսահամարն են խնդրել։
«Ժողովուրդ ջան, եթե որևէ մեկը գիտի այս վարորդի հեռախոսահամարը, խնդրում եմ փոխանցել ինձ», «կարևորը` ճաշակով երաժշտություն էր նվագում տղեն», «ո՞նց եք սենց սեր վարորդների գտնում»,- գրել են հիացած օգտատերերը։
Ի դեպ, տեսանյութում երևում է, որ վարորդը երթևեկում է Երևանի Կասյան փողոցով։