ԱԺ «Իմ քայլը» իշխող խմբակցության պատգամավոր Արմեն Խաչատրյանի դիտարկմամբ` Ոստիկանությանն առնչվող նոր ռազմավարությունը ենթադրում է որակական լուրջ փոփոխություններ։ Բովանդակային առումով բոլորովին այլ վիճակ է, այն չէ, ինչ առկա էր տարիներ առաջ, երբ վերջին տասնամյակում ոստիկանությունից խլեցին շատ լիազորություններ։
«Փաստաթուղթն իր մեջ ներառում է այն բոլոր խնդիրները, որոնք առաջացել են տարիների ընթացքում իրավակիրառ գործունեությունից և, որոնք նախկինում գրեթե անհնար էր լուծել, հետևաբար անհրաժեշտ էր կատարել համակարգային փոփոխություններ։ Կառավարությունը նախկինում չի գնացել այդ ռիսկային քայլին, չի կատարել համակարգային մեծ փոփոխություններ»,– ասաց ԱԺ պատգամավորը։
Նրա համոզմամբ` այսօր ժողովրդավարական իրավակարգ ստեղծելու անհրաժեշտություն կա, հետևաբար խորհրդարանական պետության պարագայում բոլոր կառույցները պետք է համապատասխանեն նշված իրավակարգին բնորոշ հատկանիշներին։
Ոստիկանին հեղափոխական «դուխ» է պետք. ինչո՞ւ ոստիկանությունը չի կանխում վենդետաները
Ոստիկանության բարեփոխումների ռազմավարությունը և դրանից բխող 2020-2022թթ. գործողությունների ծրագիրը ներկայացված է իրավական ակտերի նախագծերի հրապարակման միասնական կայքում։
Մահակով և հակագազով ցուցմունք կորզելու գործով մեղադրանք է առաջադրվել Ճամբարակի բաժնի պետին
Նշենք, որ նոր ռազմավարությամբ նախատեսվում է 2021 թ. առֆաջին կիսամյակում կազմավորել Ներքին գործերի նախարարություն: Նշվում է, որ նախարարության ձևավորումը թույլ կտա ապահովել ոլորտի թե՛ խորհրդարանական, թե՛ քաղաքացիական վերահսկողությունը։