Սլավոնական համալսարանի «Կոնֆուցիոսի ինստիտուտի» տնօրեն Նաիրա Գրիգորյան–Անտոնյանի խոսքով` 2015թ-ից համալսարանում գործում է չինարեն լեզվի և մշակույթի կենտրոն, որտեղ դասավանդվում է չինարեն, կազմակերպվում են Չինաստանից հրավիրված մասնագետների դասախոսություններ, և իրականացվում է մշակութային ծրագիր։ Պարբերաբար տեղի են ունենում ինչպես ուսանողների, այնպես էլ դասախոսների փոխայցելություններ։
«Սլավոնական համալսարանի ուսանողների առաջին խումբը Չինաստան էր մեկնել սեպտեմբերին։ Նրանք վերադարձել են առողջ, այստեղ կարանտինային պայմաններում գտնվել են հսկողության ներքո, հանձնել են անալիզներ, և նրանց մոտ կորոնավիրուս չի հայտնաբերվել։ Իսկ ավելի վաղ Չինաստանից ժամանած ուսանողները մնացել են այստեղ, արձակուրդներն անցկացրել են Հայաստանում և դեռ չեն վերադարձել հայրենիք։ Մեր դասախոսներից մեկը, որը դասավանդում է ռուսերեն, հերոսաբար մնացել է Չինաստանում և նրան վտանգ չի սպառնում, որովհետև չինական կողմը նրան ապահովում է անհրաժեշտ դիմակներով, հակասեպտիկներով, նրան մատակարարվում է ստուգված սնունդ»,– հավաստիացնում է «Կոնֆուցիոսի ինստիտուտի» տնօրենը։
Կարանտինում գտնվող հայուհուն դուրս են գրել Նուր–Սուլթանի հիվանդանոցից
Գրիգորյան–Անտոնյանը նշում է, որ Չինաստանում թեև ամեն օր կորոնավիրուսով վարակվածների թիվն ավելանում է հինգ հազարով, սակայն դրա դեմ պայքարն էլ չի դադարում, և ինչպես իրեն տեղեկացրել են Չինաստանից, այդ երկրում կորոնավիրուսի դեմ վակցինան արդեն փորձարկվում է կենդանիների վրա։ Նա կարծում է, որ չինացիները կազմակերպված, ճիշտ գործող ազգ են և կկարողանան շուտ շտկել կորոնավիրոսի հետ կապված իրավիճակը։
Չինաստանում կորոնավիրուսով վարակված լինելու փաստը թաքցնողներին մահապատիժ է սպասում