ԵՐԵՎԱՆ, 15 փետրվարի — Sputnik. Հայաստանում քրդական համայնքը բողոքի երթ էր կազմակերպել նվիրված Թուրքիայում Քրդական աշխատավորական կուսակցության (ՔԱԿ) առաջնորդ Աբդուլլահ Օջալանի բանտարկության 20-ամյակին: Նրանք Երևանի Ազատության հրապարակից երթով շարժվեցին դեպի Ստեփան Շահումյանի անվան հրապարակ։
Սիրիայի հայկական եկեղեցին` թուրք–քրդական կռվախնձոր. թուրքական ԶԼՄ–ները դավեր են նյութում
«Մենք եկել են դատապարտելու քուրդերի նկատմամբ Թուրքիայի իշխանությունների բարբարոսական գործողությունները։ 20 տարի առաջ որոշ գերտերությունների և պետությունների դավադրության արդյունքում քուրդ ժողովրդի առաջնորդ Օջալանին բռնեցին և հանձնեցին թուրքական իշխանությանը: Իսկ նրանք մեր առաջնորդին դատապարտեցին նախ մահապատժի, հետո ցմահ բանտարկության»,–ասաց ՀՀ ԱԺ «Իմ քայլը» խմբակցության պատգամավոր, Հայաստանի քրդական համայնքի ղեկավար Կնյազ Հասանովը։
Քրդական համայնքն իր բողոքի ակցիայով կոչ արեց միջազգային հանրությանը, գերտերություններին` զսպել Թուրքիայի իշխանություններին, «բռնել թուրքերի ձեռքը»։
Սիրիական բանակը հակադարձել է Դամասկոսի ուղղությամբ արձակած հրթիռակոծությանը. տեսանյութ
Հիշեցնենք, որ Աբդուլլահ Օջալանն այժմ դատապարտված է ցմահ ազատազրկման թուրքական Էմրալի կղզում։