ԵՐԵՎԱՆ, 14 փետրվարի — Sputnik. «Իզվեսիա» թերթի փոխանցմամբ` Առողջապահության համաշխարհային կազմակերպության խորհրդատու Այրա Լոնջինին երեկ հայտնել է, որ վատագույն սցենարի դեպքում մոլորակի 66%–ը կվարակվի կորոնավիրուսով։
Ինչպես են Ուհանում բուժքույրերը պարում կորոնավիրուսով հիվանդների համար. տեսանյութ
Blooomberg–ը հայտնում է` փորձագետը հիմնվում է տվյալների վրա, որ վարակված յուրաքանչյուր մարդ սովորական պայմաններում ևս երկու–երեք մարդու է վարակում։
Լոնջինիի խոսքով` նույնիսկ եթե այդ ցուցանիշը կրկնակի նվազի, մոլորակի բնակիչների մեկ երրորդը կարող է վարակվել։
Մասնագետը նշել է, որ կարանտինային միջոցները կարող են դանդաղեցնել հիվանդության տարածումը, սակայն դրանք սկսել են կիրառվել արդեն այն բանից հետո, երբ վարակը հասել էր Չինաստանի այլ շրջաններ ու դուրս եկել երկրի սահմաններից։
Երեկ Չինաստանի Հուբեյ նահանգի իշխանությունը կորոնավիրուսով վարակվածների թվի կտրուկ աճ է գրանցել։ Մասնագետները վերանայել են հետազոտությունների արդյունքներն ու նոր դասակարգման հիման վրա սկսել են հիվանդների շարքը դասել այն մարդկանց, որոնց նախկինում առողջ էին համարում։
Փետրվարի 12–ին նշում էին, որ վարակման 45 հազար հաստատված դեպք կա, իսկ այսօր արդեն խոսքը 64 430 մասին է։ Այսինքն` գրեթե 20 հազարով շատ։ Ընդհանուր առմամբ կորոնավիրուսից 1 383 մարդ է մահացել, 6,8 հազարը` բուժվել։
Հիշեցնենք` հունվարի 31-ին ՀՀ փոխվարչապետ Տիգրան Ավինյանը հայտարարել էր, որ փետրվարի 1-ից մինչև մարտի 31-ը ՉԺՀ քաղաքացիներին ժամանակավորապես արգելված է Հայաստան մուտք գործել։ Որոշումը պայմանավորված է Չինաստանում և նրա սահմաններից դուրս կորոնավիրուսի տարածմամբ։ ՀՀ ԱԳՆ–ում հայտարարել էին, որ աշխատում են չինական կողմի և միջազգային գործընկերների հետ մեր քաղաքացիներին անհրաժեշտության դեպքում հայրենիք վերադարձնելու ուղղությամբ։
Կորոնավիրուսն առարկաների վրա կարող է ապրել ավելի երկար, քան ենթադրվում էր․ հետազոտություն