ԵՐԵՎԱՆ, 10 փետրվարի — Sputnik. Այս տարվա գարնանը կայանալիք հանրաքվեն թույլ կտա լուծել ՀՀ Սահմանադրական դատարանի շուրջ ստեղծված ճգնաժամը։ Դրա շնորհիվ իշխանության ևս մի ճյուղ ժողովրդավարական կդառնա։ Լրագրողների հետ զրույցում նման տեսակետ հայտնեց փաստաբան Կարապետ Բադալյանը։
Այվազյան. «Վահե Գրիգորյանը կոմպետենտ չէ, ուստի նույնպես պետք է չլինի ՍԴ-ում»
Նշենք, որ Հայաստանում այս տարվա ապրիլի 5-ին սահմանադրական բարեփոխումների հանրաքվե կանցկացվի։ Հանրաքվեն, ըստ էության, ՀՀ քաղաքացիներին առաջարկում է պատասխանել այն հարցին` արժե՞ արդյոք դադարեցնել մինչև 2015 թվականի սահմանադրական բարեփոխումները, այսինքն նախկին իշխանության օրոք նշանակված ՍԴ նախագահի և նրա անդամների լիազորությունները։ Այս փոփոխությունները չեն առնչվում ՍԴ գործող 9 դատավորներից միայն երկուսին` Վահե Գրիգորյանին և Արմեն Դիլանյանին։ Մյուս 7-ը, այդ թվում ՍԴ նախագահ Հրայր Թովմասյանը, ՍԴ անդամ են դարձել մայր օրենքի 1995 և 2005 թվականներին խմբագրված դրույթների համաձայն։
Բադալյանի խոսքով` առաջիկա հանրաքվեի շնորհիվ ՍԴ ներկայացուցիչները կնշանակվեն արդար, և ոչ թե կեղծ ընտրությունների միջոցով։
Բադալյանը կարծում է, որ հենց այսօր է անհրաժեշտ ՀՀ քաղաքացիներին սահմանադրական բարեփոխումների հանրաքվեն։ 2018 թվականի «թավշյա հեղափոխությունից» հետո երկրում փոխվել են իշխանության երկու գլխավոր թևերը` օրենսդիրն ու գործադիրը, սակայն դատականը նույնն էր մնում։
Բադալյանը ՍԴ գործող կազմում հատուկ առանձնացրեց դատավոր Վահե Գրիգորյանին, ընդգծելով, որ նա «միակն էր, որ անկեղծ պատմեց այս ինստիտուտի բոլոր խնդիրների մասին` ժողովրդից որևէ բան չթաքցնելով»։
«ՍԴ պատմության մեջ Վահե Գրիգորյանից ավելի համարձակ մարդ դեռ չի եղել», – նշեց փաստաբանը։
Sputnik Արմենիայի թղթակցի այն հարցին, թե ինչու են ԶԼՄ–ի հարցումներին ՍԴ–ում պատասխանում, որ Գրիգորյանը պաշտոնավարման օրվանից` 2019 թվականի հունիսից բաց թողնում ՍԴ նիստերը և աշխատանքի չի ներկայանում, Բադալյանը հայտարարեց, որ դա մանիպուլյացիա է։
«Գրիգորյանը նորմալ աշխատանքի է գնում և զբաղվում նրանով, ինչով պետք է զբաղվի։ Դա հերթական խաբեությունն է նրանց, ովքեր ՍԴ–ում իրենց պաշտոններն անօրինական են զբաղեցնում», – նշեց Բադալյանը։
Հատկանշական է, որ Կարապետ Բադալյանը 12 փաստաբաններից մեկն էր, որը փաստաբան, ներկայում ՀՀ ՍԴ դատավոր Վահե Գրիգորյանի հետ միասին զբաղվում էր 2016 թվականին Երևանում ոստիկանության ՊՊԾ գունդը գրաված «Սասնա Ծռեր» զինված խմբի անդամների պաշտպանությամբ։ Բադալյանը նաև կարճ ժամանակ զբաղվում էր «Ռեսթարթ» ակտիվիստների շարժման պաշտպանությամբ, որոնց մեղադրանք էր առաջադրվել 2019 թվականին բլոգեր Նարեկ Մալյանին առևանգելու փորձի համար։
Հիշեցնենք, որ Վահե Գրիգորյանը ՍԴ անդամ էր ընտրվել 2019 թվականի հունիսի 18-ին։ Գրիգորյանը հունիսի 20-ին ՍԴ դատավորի երդման արարողության ժամանակ հայտարարել էր, որ ՍԴ է գնում դատարանի նախագահի լիազորություններով։
Եթե Վահե Գրիգորյանը ՍԴ–ի նախագահն է, ապա Փաշինյանը ՄԱԿ-ի Գլխավոր քարտուղարն է. Շարմազանով