ԵՐԵՎԱՆ, 5 փետրվարի – Sputnik. Արցախի նախագահ Բակո Սահակյանի մամուլի խոսնակ Դավիթ Բաբայանը իր թեկնածությունն է առաջադրել Արցախի նախագահական ընտրություններում։ Տեղեկությունը Facebook-ի իր էջում հրապարակել է հենց Դավիթ Բաբայանը։
«Այսօր կայացել են Արցախի պահպանողական կուսակցության (ԱՊԿ) արտահերթ համագումարը և խորհրդի նիստը:
Համագումարի և խորհրդի նիստի որոշումների համաձայն Արցախի պահպանողական կուսակցությունը մասնակցելու է խորհրդարանական և նախագահական ընտրություններին՝ ԱՊԿ առաջնորդ Դավիթ Բաբայանի գլխավորությամբ»,–գրել է Բաբայանը:
Նշենք` Արցախի համապետական ընրությունները կկայանան 2020թ-ի մարտի 31-ին։
Հիշեցնենք` գործող նախագահ Բակո Սահակյանն արդեն հայտարարել է, որ 2020 թվականի ընտրությանը չի մասնակցելու։
Նիկոլ Փաշինյանը ներկայացրել է ազգային միասնության բանաձևերը
Այս պահին նախագահի հավանական թեկնածուներն են Արցախի նախկին վարչապետ Արայիկ Հարությունյանը, Արցախի արտգործնախարար Մասիս Մայիլյանը, պատգամավոր Հայկ Խանումյանը, ԱԽ նախկին քարտուղար Վիտալի Բալասանյանը, պատգամավորներ Վահան Բադասյանն ու Ռուսլան Իսրայելյանը, «Արցախյան արվեստի ֆորում» հիմնադրամի տնօրեն Քրիստին Բալայանը և ԱԺ նախագահ Աշոտ Ղուլյանը։