ԵՐԵՎԱՆ, 2 փետրվարի — Sputnik. Չինաստանի Ուհան քաղաքի բնակիչներից մեկը մահացել է Ֆիլիպիններում, Twitter-ում հաղորդում է Առողջապահության համաշխարհային կազմակերպության տեղի մասնաճյուղը։ Նշվում է, որ տղամարդը 44 տարեկան էր, մահացել է փետրվարի 1-ին։ Տղամարդը երկրորդ հիվանդն էր Ֆիլիպիններում, որի մոտ հայտնաբերվել էր կորոնավիրուս։
Happening now: DOH conducts a press briefing to update on the 2019 novel coronavirus today.@SecDuque announces that as of yesterday, 24 patients under investigation tested negative for 2019-nCoV, while 2 tested positive. pic.twitter.com/0Oj27fXbrU
— World Health Organization Philippines (@WHOPhilippines) February 2, 2020
Փետրվարի 2-ի առավոտյան տվյալների համաձայն` կորոնավիրուսի հետևանքով արդեն 304 մարդ է մահացել, վարակվածների թիվը հասել է 13 846-ի։
Առողջապահության համաշխարհային կազմակերպությունը կորոնավիրուսի բռնկման պատճառով միջազգային նշանակության արտակարգ իրավիճակ է հայտարարել։ Վարակն արդեն տարածվել է Չինաստանի սահմաններից դուրս, դեպքեր են գրանցվել Հարավային Կորեայում, Ճապոնիայում, ԱՄՆ–ում, Թաիլանդում, Սինգապուրում, Հոնկոնգում և Ավստրալիայում։
Կորոնավիրուսը մերձեցնում է. հայ աղջիկները`չինացիների նրբանկատության մասին
Չինաստանի իշխանությունները պաշտոնապես հաստատել են, որ վիրուսը փոխանցվում է մարդուց մարդուն։ Բժիշկների խոսքով` կորոնավիրուսի հիմնական ախտանիշներն են ջերմությունը, հոգնածությունը, խորխով հազը։ Հիվանդությունը սկսվում է որպես սովորական շնչառական վարակ, որն ուղեկցվում է տենդով, հազով ու թոքաբորբով, բայց շատ արագ ծանր ընթացք է ստանում՝ խոցելով թոքերը։ Ռիսկային խմբում են թույլ իմունային համակարգ ունեցողները, երեխաներն ու ծերերը։
Կորոնավիրուս` մահացածներ, վարակակիրներ, բուժվածներ. իրավիճակը` թվերով
Հիշեցնենք, որ ՀՀ փոխվարչապետ Տիգրան Ավինյանը Facebook-ում հայտնել է, որ 2020թ. փետրվարի 1-ից մինչ մարտի 31-ը Չինաստանի քաղաքացիների համար Հայաստանի Հանրապետություն մուտքի վիզայի ազատ ռեժիմը ժամանակավորապես կասեցվում է։