Հայրենիքի պաշտպանի վերականգնողական կենտրոնը Facebook–ում տեսանյութ է հրապարակել մի երիտասարդի մասին, որն արդեն կարողանում է ինքնուրույն քայլել։
Տեսանյութին կից գրված է, որ երիտասարդի անունը Հրայր է, նա 2015 թվականին ստացել է պոլիտրավմա՝ գլխուղեղային վնասվածք, ողնուղեղային ծանր վնասվածք՝ ողնաշարի կոմպրեսիոն կոտրվածքով։ Բուժվել է Եվրոպական տարբեր վերականգնողական կենտրոններում: Հայրենիքի պաշտպանի վերականգնողական կենտրոն է ընդունվել բավական շատ արտահայտված մնացորդային երևույթներով։Այսօր արդեն կա դրական դինամիկա։
Հայրենիքի պաշտպանի վերականգնողական կենտրոնը բացվել է 2018 թվականի հունվարին։ Ստեղծվել է Երևանի պետական բժշկական համալսարանի և ՀՀ պաշտպանության նախարարության համագործակցության արդյունքում` ՀՀ նախագահի աջակցությամբ և բազմաթիվ բարերարների ու անհատ քաղաքացիների տրամադրած միջոցների շնորհիվ։
Սելֆի մարտիկների հետ. Փաշինյանը եղել է Հայրենիքի պաշտպանների վերականգնողական կենտրոնում