Տիգրան Քոչարյանը կարծում է, որ հունվարի 28-ին հասարակությունը ականատես եղավ աբսուրդի թատրոնի, որովհետև սովորական դիտորդի համար գուցե տեղի էին ունենում անտրամաբանական շատ բաներ, սակայն գործընթացների ներսում գտնվող և զարգացումներն հասկացող մարդու համար պարզ էր` ինչ սխեմայով էր աշխատում այդ ամենը:
«Բերման են ենթարկում զենք կրելու կամ թմրանյութ պահելու կասկածանքով, մինչդեռ, օրինակ, Նարեկ Մալյանի դեպքում գրասենյակը չեն խուզարկում: Արթուր Դանիելյանի դեպքում չեն խուզարկում մեքենան: Նարեկ Սամսոնյանի հետ վեց ժամ եղել ենք ոստիկանության 6-րդ վարչության դիմաց, նրան կատակով առաջարկեցի պառկել գետնին, որ նկարեն, որովհետև սպասում էինք, որ նրա հետևից նույնպես գալու էին»,-Sputnik Արմենիայի հետ զրույցում նշեց քաղաքական մեկնաբանը:
Մալյանն ազատ արձակվեց. նա ասաց` տեղյակ է, թե ինչ է պահանջել Լարիսա Մինասյանը վարչապետից
Նրա դիտարկմամբ՝ նշված տղաներին բերման ենթարկելը տեսագրված է եղել, հետևաբար այնպիսի տպավորություն էր, որ ոստիկանությանն առաջադրանք էր տրվել այդ ընդդիմադիր քաղաքական գործիչներին ցուցադրաբար գետնին պառկեցնել, «մասկի շոու» անել, ձեռնաշղթաներ հագցնել ու բերման ենթարկել: Քոչարյանը համոզված է, որ տեսագրված նյութերն անմիջապես ուղարկում էին Վարդենիսում գտնվող Նիկոլ Փաշինյանին, որպեսզի նրա աչքը շոյվի դրանից:
Նարեկ Մալյանը բերման է ենթարկվել. տեսանյութ
Ըստ Քոչարյանի՝ փորձ է արվում վախեցնել այն խմբերին, որոնք այսպես թե այնպես անմիջական, ուղիղ կապ չունեն նախկին իշխանությունների հետ, սակայն ստեղծվել են 2018թ-ի ապրիլ-մայիսյան հայտնի դեպքերից հետո ու հենց սկզբից հանդես եկել սուր ընդդիմադիր դիրքերից: Մեկ այլ կանխավարկածի համաձայն՝ այդ ամենն արվեց Սորոսի գրասենյակի ներկայացուցիչներին հաճոյանալու համար, որոնց անխնա քննադատում են ակտիվիստները: