ԵՐԵՎԱՆ, 1 փետրվարի — Sputnik. Մարդիկ սոցիալական ցանցերում անհավանական պատմություններ են պատմում, թե ինչպես են Չինաստանում այս օրերին վերաբերվում արտասահմանցիներին։ Հայաստանի քաղաքացիները ևս վայելել են մարդասիրության պտուղները։
Ե՞րբ կորոնավիրուսը կնահանջի. չինացի փորձագետը ժամկետներ է նշել
Օրինակ՝ օգտատեր Սոֆյա Ավագյանը գրում է, որ տնից մի քանի օր դուրս չի եկել կորոնավիրուսի պատճառով։ Շաբաթ օրը, բացելով բնակարանի դուռը, դիմացը տեսել է մթերք և անգլերեն գրված նամակ։ Պարզվել է` կապոցը թողել են չինացիները, որոնց նա չի ճանաչում։
«Սա այն լռությունն է, որի մեջ մարդկայնության ճիչն է։ Եվ հենց այդ լուռ ճիչի մեջ մարդկության փրկությունն է։ Հուզված եմ...», – ավելացրել է նա։
Մեկ այլ հայուհի` Սոնա Վարդանյանը, Sputnik Արմենիայի թղթակցին պատմեց, որ երկրի իշխանությունները խորհուրդ են տալիս դուրս չգալ տնից, դիմակ կրել, հաճախ լվանալ ձեռքերը և խուսափել մարդաշատ վայրերից։ Նա հավաստիացրեց, որ արտասահմանցիների նկատմամբ հատուկ վերաբերմունք կա։
«Ղեկավարս ինձ Еxcel ֆայլ է ուղարկել, որպեսզի ամեն օր նշեմ ինքնազգացողությանս մասին և ուղարկեմ նրան», – նշեց Սոնան։
Երկու աղջիկներն էլ դժգոհում են սոցցանցերում հայերի պահվածքից։ Նրանք անտեղի են համարում այդ թեմայով կատակները և Հայաստանում գտնվող չինացիներին մեկուսացնելու մասին հայտարարությունները։
Ուկրաինական հավերը Հայաստանում դեռ չեն «թռչի», իսկ թռչնամսի գինը կթռչի՞
Կորոնավիրուսով վարակվածների թիվը Չինաստանում արդեն հասել է 11,1 հազարի, 258 քաղաքացի մահացել է։ 102 427 մարդ այժմ գտնվում է հսկողության տակ։ Առողջապահության համաշխարհային կազմակերպությունը կորոնավիրուսի բռնկման պատճառով միջազգային նշանակության արտակարգ իրավիճակ է հայտարարել։ Վարակն արդեն տարածվել է Չինաստանի սահմաններից դուրս, դեպքեր են գրանցվել Հարավային Կորեայում, Ճապոնիայում, ԱՄՆ–ում, Թաիլանդում, Սինգապուրում, Հոնկոնգում և Ավստրալիայում։
Չինաստանի իշխանությունները պաշտոնապես հաստատել են, որ վիրուսը փոխանցվում է մարդուց մարդուն։ Բժիշկների խոսքով` կորոնավիրուսի հիմնական ախտանիշներն են ջերմությունը, հոգնածությունը, խորխով հազը։ Հիվանդությունը սկսվում է որպես սովորական շնչառական վարակ, որն ուղեկցվում է տենդով, հազով ու թոքաբորբով, բայց շատ արագ
Կորոնավիրուս` մահացածներ, վարակակիրներ, բուժվածներ. իրավիճակը` թվերով
Հիշեցնենք, որ ՀՀ փոխվարչապետ Տիգրան Ավինյանը Facebook-ում հայտնել է, որ 2020թ. փետրվարի 1-ից մինչ մարտի 31-ը Չինաստանի քաղաքացիների համար Հայաստանի Հանրապետություն մուտքի վիզայի ազատ ռեժիմը ժամանակավորապես կասեցվում է։