ԵՐԵՎԱՆ, 23 հունվարի – Sputnik.«Հրապարակ» թերթի տեղեկություններով` «Ապրիլյան քննիչ հանձնաժողովը» հունվարի վերջերին կամ եկող ամսվա սկզբին կհրավիրի այս տարվա իր առաջին նիստը։
Թերթը գրում է, որ քննարկում են պաշտպանության նախկին նախարար, Ապրիլյան պատերազմի գլխավոր պատասխանատուներից Սեյրան Օհանյանին հանձնաժողով հրավիրելու հարցը։
«Դեռևս ծանուցում չենք ուղարկել, բայց կուղարկենք»,- հայտնել է մեր աղբյուրը։
Հիշեցնենք` Ապրիլյան քառօրյա պատերազմի հանգամանքների ուսումնասիրության քննիչ հանձնաժողովը ստեղծվել էր ԱԺ–ի` 2019թ.–ի մայիսի 31-ին ընդունած որոշմամբ` 6 ամիս ժամկետով։ Դեկտեմբերի 6-ին Անդրանիկ Քոչարյանի առաջարկով ԱԺ–ը որոշեց հանձնաժողովի գործունեության ժամկետը երկարաձգել ևս 6 ամսով։
Այդ լրացուցիչ ժամանակահատվածում հանձնաժողովն, ըստ Քոչարյանի, պատրաստվում է լսել պաշտոնյաների պարզաբանումները։ Նրանց թիվը, հանձնաժողովի նախագահի խոսքով, կարող է հասնել 40-ի։
Նախորդ 6 ամսվա ընթացքում հանձնաժողովը 21 նիստ էր գումարել, որոնցում հարցաքննել էր 10 զինծառայողների։
Դատարանը Սեյրան Օհանյանին թույլ տվեց բուժում ստանալ Գերմանիայում
Բացի այդ ՊՆ–ից հանձնաժողով են ուղարկվել մեծ ծավալի փաստաթղթեր, որոնցից առայժմ ուսումնասիրվել է 2684 էջը` 147 տեքստային և 14 գրաֆիկական քարտեզներով, տեղեկատվական– վերլուծական և հետախուզական, զորքերի կառավարման, օպերատիվ և այլ բնույթի գաղտնի և հույժ գաղտնի փաստաթղթերով։