ԵՐԵՎԱՆ, 21 հունվարի – Sputnik. Երևանի քաղաքապետ Հայկ Մարությանին հանձնարարել են մինչև ամառ արդյունք ցույց տալ, որ քաղաքի երթևեկությունը ողբերգականից գոնե անմխիթարի փոխվի։ «Հրապարակ» օրաթերթին այս տեղեկությունը հաղորդել է քաղաքապետարանի աղբյուրը։
«Տրանսպորտային նոր համակարգի ներդրումը մեր առաջնահերթ խնդիրն է». Մարությանը Բրյուսելում է
«Բանն այն է, որ 450 «մահվան գազելներն» առաջիկայում դուրս են գրվելու, և իշխանությունը չի ուզում` սոցիալական նոր «բունտ» ծագի` տրանսպորտի, ուղևորների կուտակումների պատճառով, ուստի քաղաքապետը, ձեռուոտ ընկած, վարկային կազմակերպություններից փող է ճարում, որ 100 ավտոբուս առնի, մտցնի գիծ։ Այժմ բանակցություններ են ընթանում ՎԶԲ-ի, ՀԲ-ի հետ։ Եթե չստացվեց, կրկին բարեգործներին կդիմեն` Լֆիկը, անգամ աներհայրիկը՝ Չեխիայից, օգնության կհասնեն»,-գրում է թերթը:
Հիշեցնենք` հունվարի 16–ին, ժամը 18։00-ին մոտ, ՀՀ վարչապետ Նիկոլ Փաշինյանն առանց նախապես հայտարարելու գնացել էր Երևանի քաղաքապետարան, որտեղ ավելի քան 2 ժամ փակ հանդիպում էր ունեցել Երևանի քաղաքապետ Հայկ Մարությանի հետ։
Երևանի տրանսպորտը 2021–ին էլ չի կարգավորվի. ինչ են խոսել վարչապետն ու քաղաքապետը
Վարչապետին ճանապարհելուց հետո Մարությանը լրագրողներին ասել էր, որ նրա հետ ավելի քան 2 ժամ տևած հանդիպումն ընթացիկ աշխատանքային հանդիպում էր։
Ինչ վերաբերում է տրանսպորտի խնդրին, Երևանի քաղաքապետը վստահեցրել էր, որ ինչպես և խոստացվել էր, մինչև տարեվերջ 100 ավտոբուս ձեռք կբերվի, գուցե և ավելի։ Բայց խոստացված տրանսպորտային ցանցը նույնիսկ 2021–ին դեռ պատրաստ չի լինի։
Երևանի տրանսպորտային նոր համակարգի համար վարկ է պետք. Մարությանը խոսեց ծրագրից