ԵՐԵՎԱՆ, 15 հունվարի — Sputnik. VEON ընկերությունը, որին պատկանում է Beeline Armenia ապրանքանիշի ներքո գործող «Վեոն Արմենիան», այսօր հաստատել է, որ Ucom ընկերության հետ քննարկումներ են ընթանում հնարավոր գործարքի մասին:
«Այս քննարկումների արդյունքում գործարք կարող է կնքվել, կարող է և ոչ: VEON-ը հանդես կգա նոր հայտարարությամբ՝ կարգավորիչ պահանջներին համապատասխան, եթե դրա կարիքը լինի», - ասված է ընկերության հաղորդագրության մեջ:
Հանրային ծառայությունները կարգավորող հանձնաժողովից Sputnik Արմենիային հաստատեցին, որ Ucom-ը և «Վեոն Արմենիան» սահմանված կարգով դիմել են իրենց: Այս պահին ուսումնասիրվում է հայտը, պարզվում է` արդյոք այս գործարքը չի հակասում մրցակցային շուկայի օրենքներին ու չի ազդում սպառողների շահերի վրա։
ԵԱՏՄ–ին ասենք` դուք աչք փակեք, մենք փող աշխատենք. ղազախները Հայաստանից ավտոմեքենա չեն տանի
2019 թվականի դեկտեմբերի 30-ին հայտնի դարձավ, որ Ucom-ը դիմել է Հանրային ծառայությունները կարգավորող հանձնաժողով` «Վեոն Արմենիա» ընկերությունը (ապրանքանիշը «Բիլայն») գնելու նպատակով: