Համաշխարհային բանկն առաջիկա երեք տարիների համար Հայաստանի տնտեսության 5%-ից մի քիչ ավելի աճ է կանխատեսում, որն ավելի լավատեսական է, մինչդեռ Հայաստանի կառավարությունը 2020թ-ի համար 4,9% տնտեսական աճ է կանխատեսում։ Այս մասին Sputnik Արմենիայի հետ զրույցում ասաց տնտեսագետ Ատոմ Մարգարյանը։
Դրա հետ մեկտեղ, ըստ ՀԲ–ի`Հարավային Կովկասի երկրներում, այդ թվում` Հայաստանում, 2008-ից հետո աշխատանքի արտադրողականությունը չի աճում։ Հայաստանի համար` որպես բացառություն նշվում է հանքարդյունաբերությունը։
«Չմոռանանք սակայն, որ այստեղ արդյունահանման ծավալները սահմանափակված են արդյունահանման լիցենզիաներով և չեն կարող կամայականորեն փոխվել։ Այնպես որ, այստեղ շատ կարևոր են պետական ստուգումները` պարզելու, թե ինչպես են հանքերը կատարում լիցենզիաների պայմանները», – նշեց տնտեսագետը։
Թադևոսյան. «Եկամտահարկի ընթացիկ փոփոխություններին պետք է հաջորդեն գլոբալ փոփոխությունները»
Ինչ վերաբերում է մշակող արդյունաբերությանը, ապա այստեղ, ինչպես և նախորդ տարիներին, էֆեկտիվության աճ չի կանխատեսվում։
Խոսելով Իրանի դեմ կիրառվելիք նոր պատժամիջոցներից` տնտեսագետն ասաց, որ իր վերջին հայտարարություններով ԱՄՆ նախագահ Դոնալդ Թրամփը փորձում է հանգստացնել նավթի շուկան։ Սակայն պարզ չէ, թե այս իրավիճակը ինչպես կանդրադառնա հայ–իրանական համատեղ նախագծերին։
Հարկային բարեփոխումները Հայաստանում․ ինչ սպասել նոր տարում
Մարգարյանը հիշեցրեց, որ դեռևս 2019-ին Իրան–Հայաստան բարձրավոլտ հաղորդման նոր գծի շինարարությունը հետաձգվել էր մեկ տարով։