ռանց այն էլ, կոալաները վերացող կենդանիների ցանկում են, իսկ Ավստրալիայում նրանցից շատերը հրդեհների զոհ են դարձել։ Փրկվածներից մեկի` Բիլլիի թաթիկներն այրվել են։ Նա մշտապես գտնվում է անասնաբույժների հսկողության ներքո։
Համացանցում վերջին օրերին հաճախ են հուզիչ տեսանյութեր հայտնվում անտառային հրդեհներից կենդանիներին փրկելու մասին։
Ավստրալիայում անտառային հրդեհները սկսել են դեռ անցած տարվա հոկտեմբերից, այս ընթացքում 24 մարդ է զոհվել, իսկ սատկած կենդանիների քանակը, Վայրի բնության հիմնադրամի տվյալներով, գերազանցել է մեկ միլիարդը։
Ամբողջ մայրցամաքով միլիոնավոր հեկտար հող է այրվել։ Նախնական տվյալներով` հրդեհների հետևանքով առաջացած վնասը ավելի քան 4.4 մլրդ դոլար է կազմում։