Ինչպես են հայաստանցիները վերաբերվում հարևան Իրանի շուրջ ծավալվող իրադարձություններին։ Sputnik Արմենիան փորձել է պարզել, թե որքանով են ՀՀ քաղաքացիները տեղյակ հարևան պետությունում տեղի ունեցող իրադարձությունների մասին և, նրանց կարծիքով, ինչպես դա կարող է անդրադառնալ Հայաստանի վրա։
Ինչպես արդեն տեղեկացրել էինք, Իսլամական հեղափոխության պահապանների կորպուսը հայտարարել էր գեներալ Ղասեմ Սոլեյմանիի սպանության համար ամերիկացիներից վրեժ լուծելու գործողությունների մեկնարկի մասին։
Այսպես, Իրաքում հունվարի 8–ի գիշերն ամերիկյան ռազմաբազաների վրա հրթիռային հարձակում է տեղի ունեցել։
Երևանում կատարված հարցման արդյունքում պարզ դարձավ, որ շատերը հետևում են լրահոսին և անհանգստացած են տեղի ունեցածով։
«Հա, անհանգիստ վիճակ է, իհարկե» ,- ասաց հարցման մասնակիցներից մեկը։
Հայաստանի վրա դեպքերի հնարավոր ազդեցության մասին խոսելիս` քաղաքացիները հույս հայտնեցին, որ ամեն ինչ կխաղաղվի։
«300-350 մլն–ի առևտուր ենք անում, այն ինչ ունենք, Իրանից ենք գնում։ Վրաստանի հետ շատ եղբայրական հարաբերություններ են, բայց նավերով դա դժվար է, իսկ Թեհրանը կողքն է, Թավրիզը կողքն է, այնպես որ տա Աստված խաղաղվի ամեն ինչ» ,- ասեց հարցման մասնակիցներից մեկը։
Հարցման ընթացքում հնարավորություն ընձեռվեց լսել իրանցու կարծիք։
Տոնոյան. «Իրավիճակը ծայրաստիճան սրված է, սպասում են ամերիկյան կողմի պատասխանին»
«Հաշվի առնելով Իրանի քաղաքական անցյալը և ժողովրդի հակվածությունն իրենց պետության պահպանման հարցում, կարծում եմ, որ նրանք մի ելք կգտնեն, որ դուրս գան այս քաղաքական լուրջ վիճակից»,- նշեց նա։
Նշենք, որ Թեհրանը հայտնում է, որ Իրաքում ամերիկյան բազային հասցրած հրթիռային հարվածի հետևանքով առնվազն 80 ամերիկյան զինվոր է մահացել։ ԱՄՆ նախագահ Թրամփն էլ Twitter–ում գրել է, որ «ամեն ինչ լավ է», իսկ հասցված վնասները հաշվարկվում են։