Սաուդյան Արաբիա
Ամենապահպանողական մահմեդական այս երկրում հունվարի 1-ին ամանորյա տոնակատարությունների անցկացումն օրենքով արգելված է 2013 թ.–ից։ Այս տարի առաջին անգամ Սաուդիան Արաբիայում ծրագրված էր շքեղ հրավառությամբ նշել հունվարի 1-ը։ Թագաժառանգ արքայազն Մուհամմեդ բեն Սալման Ալ Սաուդը նպատակ ունի երկրի համար նոր «զբոսաշրջային կերպար» մշակել։ Սակայն ընդամենն օրեր առաջ իշխանություններն արգելեցին տոնակատարությունների անցկացումը` դրանք համարելով «ոչ լիցենզավորված»։
Սաուդիան Արաբիայում տոները նշում են իսլամական օրացույցով` Հիջրայով։
Ամանորի գիշերվա երազները «շարքային» չեն լինում․ ինչից է պետք զգուշանալ և ինչից` ուրախանալ
Նոր 1442 թվականը, Հիջրայի համաձայն` կլինի Մուհարամ սրբազան ամսվա առաջին օրը։ Ամեն տարի այն տարբեր է լինում։ 2020 թվականին իսլամական Նոր տարին կնշվի օգոստոսի 20-ին, 2021–ին`օգոստոսի 10-ին։ Այս օրը Սաուդիան Արաբիայում հատուկ ձևով չի նշվում։ Այդ օրը մարդկանց հիշեցնում է այն մասին, որ նրանք որքան հնարավոր է` շատ բարի գործեր պետք է անեն։ Մուհարամի առաջին օրն ու ամբողջ ամիսը հավատավոր մահմեդականներն անցկացնում են աղոթքներով։
Իսրայել
Իսրայելում հունվարի 1-ը սովորական աշխատանքային օր է, եթե, իհարկե, նոր տարվա առաջին օրը չի համընկնում շաբաթ օրվա հետ, որը հրեաների համար սուրբ օր է: Իրենց Նոր տարին` Ռոշ հա Շանան, իսրայելցիները տոնում են աշնանը` սեպտեմբեր–հոկտեմբեր ամիսներին։ Այն նշվում է Տիշրեյ ամսվա առաջին օրն ու տևում է 2 օր։ Օրինակ, 2020 թվականին այն կնշվի սեպտեմբերի 18-20–ը, իսկ 2021թ.–ին`սեպտեմբերի 6-8–ը։ Այս տոնն Իսրայելում կապված է բազմաթիվ ավանդույթների, ծեսերի և արարողությունների հետ։ Հրեաները հավատում են, որ սա ոչ միայն Նոր տարի է, այլև «դատի» օր է։ Աշխարհի ծննդյան օրն Աստված նաև «դատում է» աշխարհը։ Հետևաբար, հավատավոր հրեան պետք է վերհիշի ամբողջ տարվա ընթացքում իր գործած մեղքերը, չար արարքներն ու անկեղծորեն զղջա դրանց համար։
Տարբեր տարիների ամանորյա ֆիլմերի տոնական սեղանը. հայկական կոնյակը ճանաչվել է ամենաթանկը
Իրան
Հունվարի 1-ը բոլորովին էլ տոնական օր չէ նաև Իրանում։ Երկիրն ապրում է սեփական օրացույցով։ Իրանական օրացույցը կամ արևային Հիջրան աստղագիտական արեգակնային օրացույց է, որը մշակվել է Օմար Խայամի մասնակցությամբ և այդ ժամանակից ի վեր մի քանի անգամ ճշգրտվել է։ Նոր տարին Իրանում ըստ օրացույցի` տոնում են գարնան առաջին օրը, ինչը համապատասխանում է Գրիգորյան օրացույցի մարտի 21-ի` գարնանային գիշերահավասարի օրվա հետ: Նոր տարվա տոնն Իրանում կոչվում է Նովրուզ (կամ Նորուզ), իսկ գարնանային առաջին ամիսը` Ֆավարդին։
Հնդկաստան
Բազմամշակութային Հնդկաստանում այնքան տոներ կան, որ եթե ստիպված լինեին ամեն ինչ նշել, ժամանակ չէր լինի աշխատելու։ Այդ պատճառով էլ որոշները դարձել են «ընտրության տոներ»։ Այս օրերին բոլոր հաստատությունները և գրասենյակները աշխատում են։
Հնդկաստանի տարածքն այնքան մեծ է, իսկ շրջաններն իրենց մշակույթով ու ավանդույթներով այնքան տարբեր, որ ընդհանուր առմամբ` Հնդկաստանում Ամանորը տարվա մեջ մի քանի անգամ են նշում։ Մի տեղ Նոր տարին նշում են հունվարի մեկին, մի տեղ՝ մարտին, մյուս տեղում՝ ապրիլին, երկրի այլ կողմերում էլ` աշնան կամ ամռան ամիսներին։
Ֆանտաստիկ լուծումներ գլոբալ խնդիրներին. ինչպես են Ամանորը տոնելու ԱԺ կին պատգամավորները
Տարեմուտին ընդունված է միմյանց քաղցրեղեն, ընկուզեղեն, մրգեր նվիրել։ Տոնածառի դերում մանգոյի ծառն է, որը ևս զարդարում են տարբեր մրգերով, նույնիսկ բանջարեղենով։
Չինաստան
Չինաստանում Նոր տարին ամեն տարի տարբեր օր է նշվում` հունվարի 21-ից փետրվարի 20-ն ընկած ժամանակահատվածում։ 2020 թվականին չինական Ամանորը հունվարի 25-ին է․ հենց այդ օրն է սկսվում Սպիտակ մետալիկ առնետի տարին։
Չինաստանում Ամանորը տարվա գլխավոր իրադարձությունն է և հրաշալի առիթ ամբողջ ընտանիքով սեղանի շուրջ հավաքվելու համար։ Նախօրոք չինացիները զարդարում են իրենց տները։ Ավանդաբար տոնակատարությունը տևում է 16 օր, բայց ոչ բոլոր օրերն են արձակուրդային։ Մեզ նման` չինացիներն էլ են հավատում, որ ինչպես Նոր տարին դիմավորես, այնպես էլ այն կանցկացնես։ Դրա համար էլ փորձում են տարին դիմավորել բարձր տրամադրությամբ և բարեմաղթանքներով։
Եթե հնում ընդունված էր միմյանց լավ առատ բերք ցանկանալ, ապա հիմա` ֆինանսական ապահովություն։
Անշուշտ, միայն այս 5 երկրներում չէ, որ Ամանորը դիմավորում են ոչ թե հունվարի 1-ին, այլ տարվա այլ ամսաթվերի։ Այդպես է նաև Պակիստանում, Շրի Լանկայում, Եմենում, Եթովպիայում, Վիետնամում, Սինգապուրում, Մոնղոլիայում, Մայալզիայում, Գամբիայում, Ինդոնեզիայում, Ճապոնիայում և այլուր։