ԵՐԵՎԱՆ, 29 դեկտեմբերի –Sputnik. Նոր տարվա սեղանն անհնար է պատկերացնել առանց համեղ ուտեստների և զանազան խմիչքների։ Ամանորյա ֆիլմերում տոնական սեղանը ևս պարտադիր է։
«Կոմսոմոլսկայա պրավդան» որոշել է պարզել, թե որքան արժե ամանորյա մենյուն խորհրդային և ռուսական տարբեր ֆիլմերում։
Այսպես, օրինակ, թերթը հաշվարկել է, թե որքան գումար է ծախսվել տոնական սեղանի համար այնպիսի ֆիլմերում, ինչպեսին «Կառնավալային գիշեր» (1956), «Ճակատագրի հեգնանք, կամ բաղնիքդ անուշ» (1975), «Հին Նոր տարի» (1980), «Շնորհավոր Նոր տարի օպերացիա» (1996), «Եղևնիներ» (2010) ֆիլմերն են։
Դատելով այս ֆիլմերից` ժամանակի ընթացքում Ամանորյա սեղանի հետ կապված նախասիրությունները փոխվել են, թեև հիմնական բաղադրիչներն անփոփոխ են մնացել։
Ինչ վերաբերում է ոգելից խմիչքներին, ապա բոլոր ֆիլմերում սեղանին կարելի էր տեսնել շամպայն, կոնյակ, գինի։ Ոչ ալկոհոլային խմիչքների մասով տարիների ընթացքում փոփոխություն նկատվում է։ Օրինակ` «Կառնավալային գիշեր» ֆիլմում հերոսները հանքային ջուր են խմում, իսկ «Շնորհավոր նոր տարի օպերացիա» ֆիլմում արդեն հայտնվում է Red Bull էներգետիկ ըմպելիքը։
Նախընտրելի հանգստավայրեր` Ամանորը դիմավորելու համար. որ ուղղություններն են պահանջված
Բոլոր տարիների ամանորյա սեղանին պարտադիր դրվում էին աղցաններ` մայրաքաղաքային, մուշտակի տակ, վինեգրետ։
Մրգերից միշտ պարտադիր են խնձորն ու նարինջը։ Իսկ ոչ վաղ անցյալում նկարահանված ժապավեններում սկսեց հայտնվել արքայախնձոր, բանան, դեղձ, խաղող։
Հատկանշական է, որ տոնական մենյուի ամենաթանկ բաղադրիչը հայկական կոնյակն էր, որը երևում է «Շնորհավոր նոր տարի օպերացիա» ֆիլմում։
Պարբերականը հաշվել է, որ 90-ականների կեսերին կոնյակի մեկ լիտրն արժեցել է 3 հազար ռուբլի։
Գարիկի ու Սոնայի նոր հիթը. Jingle Bells–ին «ձեռնոց նետած» երգն արդեն համացանցում է
Նշվում է, որ ընդհանուր առմամբ տոնական սեղանը «Կառնավալային գիշեր» ֆիլմում արժեցել է 4313 ռուբլի, «Ճակատագրի հեգնանք, կամ բաղնիքդ անուշ» ֆիլմում` 4262 ռուբլի, «Հին Նոր տարի» ֆիլմում` 3105 ռուբլի, իսկ «Շնորհավոր նոր տարի օպերացիա» և «Եղևնիներ» ֆիլմերում` համապատասխանաբար 12 954 և 4868 ռուբլի։