ԵՐԵՎԱՆ, 27 դեկտեմբերի — Sputnik. ՀՀ վարչապետ Նիկոլ Փաշինյանն այցելել էլ ՀՀ ԶՈւ զորամաս, որտեղ նրան են ներկայացվել զինված ուժերը նոր համալրած «ՕՍԱ-ԱԿ» զենիթահրթիռային համալիրներն ու դրանց տեխնիկական հնարավորությունները:
Ինչպես հայտնում է ՀՀ պաշտպանության նախարարությունը, զորամաս այցելության ընթացքում վարչապետը ՊՆ Դավիթ Տոնոյանի և ԶՈւ գլխավոր շտաբի պետ Արտակ Դավթյանի հետ քննարկել են նաևՀայաստանի ռազմարդյունաբերության զարգացման ուղղությամբ իրականացվող ծրագրերն ու հնարավորությունները։
«Ձեռք ենք բերել հակաօդային պաշտպանության «Օսա ԱԿ» համալիրների խոշոր խմբաքանակ, որը տեղում մոդեռնիզացվելով մեր մյուս ձեռքբերած զինատեսակների հետ անխոցելի է դարձնում մեր օդային սահմանները»,– իր այցելությունից հետո Facebook-ում գրել է վարչապետը։
Հայաստանը 2022–2023 թթ–ին ժամանակակից սպառազինություն ձեռք կբերի
Վարչապետը զինծառայության ընթացքում աչքի ընկած սպաներին հանձնել է նվերներ։
Հիշեցնենք` նոյեմբերի 18-ին արդիականացված «ՕՍԱ -ԱԿ» համալիրների և հայրենական արտադրության այլ զինատեսակների կիրառմամբ մարտական հրաձգության փորձարկումներ էին անցկացվել ՀՀ տարածքում։ ՀՀ ռազմական ղեկավարությունը հանձնարարականներ էր տվել համապատասխան ստորաբաժանումների հրամանատարներին:
Հայաստանի վարչապետը հայտարարություն կանի Սու–30–ի վերաբերյալ. Դավթյան