ԵՐԵՎԱՆ, 27 դեկտեմբերի — Sputnik. «Ռոսիա սեգոդնյա» ՄՏԳ–ն միջնորդություն է ներկայացրել Էստոնիայի ոստիկանության և սահմանային հսկողության բաժանմունք` գործակալության նկատմամբ պատժամիջոցներ կիրառելու համար հիմքերը ստուգելու և որոշումները վերանայելու համար, որոնք կարող են հանգեցնել Sputnik Էստոնիայի աշխատակիցների քրեական հետապնդմանը, ՌԻԱ Նովոստիին հաղորդել է Էստոնիայում գործակալության ներկայացուցիչ Ելենա Չերիշյովան։
Մարիա Զախարովան Sputnik–ի «համազգեստով» է ճեպազրույցի գնացել
Միջնորդության մեջ նշվում է, որ «Ռոսիա սեգոդնյա» ՄՏԳ–ն չի մտնում Եվրամիության պատժամիջոցների ցուցակի մեջ, թեև դրանում ներառված է գործակալության գլխավոր տնօրեն Դմիտրի Կիսելյովը։ Բայց նույնիսկ էստոնական օրենսդրությունում նշվում է, որ պատժամիջոցները կարող են կիրառվել միայն այն իրավաբանական և ֆիզիկական անձանց նկատմամբ, որոնք հիշատակված են պատժամիջոցների ցուցակում։
«Ռոսիա սեգոդնյայի» դեպքում դա նշանակում է, որ ՄՏԳ–ի նկատմամբ պատժամիջոցներ կիրառելու համար նախ պետք է ապացուցվի, որ «Ռոսիա սեգոդնյայի» միջոցները գտնվում են Դմիտրի Կիսելյովի հսկողության տակ` որպես պատժամիջոցների կիրառման ցուցակում ենթարկված անձ։ Անվիճելի է այն փաստը, որ Ռուսաստանի Դաշնության ունիտար ձեռնարկությանը պատկանող միջոցները և ռեսուրսները չեն պատկանում Դմիտրի Կիսելյովին», – նշվում է փաստաթղթում` այն հիմնավորմամբ, որ գործակալության ամբողջ ունեցվածքը, եկամուտը և շահույթը դաշնային սեփականություն են։
Նշվում է նաև, որ գլխավոր տնօրենին այդ պաշտոնում նշանակում է ՌԴ նախագահը, իսկ առանցքային հարցերի լուծումը ենթադրում է, որ դրանք պետք է համաձայնեցվի կամ հաստատվի Մամուլի և զանգվածային հաղորդակցությունների դաշնային գործակալության կողմից։
«Կարևոր է հասկանալ, որ «Ռոսիա սեգոդնայի» գույքը և ակտիվները գտնվում են ՌԴ հսկողության տակ, այլ ոչ թե գլխավոր տնօրենի։ Ելնելով վերոհիշյալից` խնդրում ենք, որպեսզի RAB–ը (Rahapesu Andmebüroo) ստուգի «Ռոսիա սեգոդնյայի» նկատմամբ պատժամիջոցներ կիրառելու համար հիմքերը»,– նշված է փաստաթղթում։
Գործակալության ուղերձում գրված է նաև, որ դրա աշխատակիցներն արդեն աշխատանքային պայմանագրեր են կնքել «Ռոսիա սեգոդնյա» գործակալության հետ։
«Այսպիսով, հետագայում պայմանագրեր կնքելու պարտավորությունը տեղին չէ։ RAB–ի նամակը կարելի է այնպես մեկնաբանել, որ աշխատակիցները պետք է կասեցնեն աշխատանքային պայմանագրերը, սակայն ոչ մի իրավական ակտում համապատասխան պարտավորություն նախատեսված չէ», – նշված է միջնորդություն մեջ։
Ավելի վաղ «Ռոսիա սեգոդնյա» ՄՏԳ–ում հայտարարել էին, որ գործակալությունը Էստոնիայի իշխանության գործողությունները գնահատում է որպես կոպիտ կամայականություն և մտադիր է դիմել ՄԱԿ, ԵԱՀԿ, Եվրոպայի խորհուրդ, ՅՈՒՆԵՍԿՕ և ՄԻԵԴ ու պահանջել գնահատական տալ խոսքի ազատությունը ոտնահարելու այս աննախադեպ դեպքին և միջոցներ ձեռնարկել լրագրողների` սեփական մասնագիտական գործունեությունը ծավալելուն ուղղված իրավունքները պաշտպանելու համար։
Ի՞նչ սկանդալ. Էստոնիայի վարչապետը չգիտի` Sputnik–ի շուրջ ինչ պատմություն է ծավալվել
ՌԴ նախագահ Վլադիմիր Պուտինը, մեկնաբանելով Sputnik Էստոնիայի շուրջ ստեղծված իրավիճակը, հայտնել է, որ ՌԴ իշխանությունն ամեն բան անելու է այլ երկրներում Sputnik-ի աշխատանքին սատարելու համար։ «Ռոսիա սեգոդնյա» ՄԳՏ–ի ու RT հեռուստաալիքի գլխավոր խմբագիր Մարգարիտա Սիմոնյանը էստոներենով դիմել էր Էստոնիայի նախագահ Կերստի Կալյուլայդին և կոչ արել` թույլ չտալ, որ Sputnik Էստոնիայի աշխատակիցները քրեական հետապնդման ենթարկվեն։>