2019 թ-ին Կրթության և գիտության, Մշակույթի և Սպորտի նախարարությունների միավորումը տարբեր հետևանքներ ունեցավ և առաջիկայում էլ կունենա: Այս մասին Sputnik Արմենիայի հետ զրույցում ասաց կրթական հարցերով փորձագետ Սերոբ Խաչատրյանը։
«Դրական կողմերից մեկն այն է, որ նախարարությունն ավելի հեշտ կկարողանա կրթություն-մշակույթ, կրթություն-սպորտ, կրթություն-երիտասարդություն ոլորտները կառավարել: Սակայն գլոբալ առումով այս միավորումից նախարարությունը տուժեց, որովհետև անցնող տարվա ընթացքում տեսանք որոշակի ազդեցություններ և հենց նշված նախարարության հասցեին եղան դժգոհություններ, լուրջ բողոքներ կապված ինչպես ներկայացումների, այնպես էլ բարձրագույն կրթության մասին օրենքի հետ»,- նշեց նա:
Խաչատրյանի դիտարկմամբ՝ եթե միավորվում է 2-3 նախարարություն, որոնք ունեն շատ մեծ հանրային հնչեղություն, ապա բնական է, որ տվյալ նախարարությունը պարբերաբար լինելու է հանրային թեժ քննարկումների տիրույթում, ինչը խանգարելու է նախարարությանը ռազմավարական խնդիրներ լուծելու հարցում:
«Սթափվեք և մնացեք զբաղեցրած պաշտոնի լիազորությունների շրջանակում». ՀՅԴ կոչը Փաշինյանին
«Համաձայն եմ շատ փաստարկների հետ, որոնք կան նախարարությունների միավորման հարցում, բայց կարծում եմ, որ մեզ մոտ իրավիճակն այնպիսին է, որ անհրաժեշտ է ունենալ կրթության և գիտության առանձին նախարարություն, որպեսզի առկա ռազմավարական հարցերը լուծվեին»,- ասաց փորձագետը:
Լարված իրավիճակ Երևանում. ոստիկանները երիտասարդներին ուժով հեռացրին նախարարության մոտից
Խաչատրյանը ափսոսանքով ընդգծեց, որ 2019թ.-ին նորից անլուծելի մնաց ռազմավարական փաստաթղթերի ընդունման հարցը: Նա վկայակոչում է այն փաստը, որ արդեն 7-8 տարի է, ինչ կրթության ոլորտում որևէ ռազմավարական փաստաթուղթ չի ընդունվել, այնինչ կրթության զարգացման պետական ծրագիրն, ըստ Սերոբյանի, մեզ օդ ու ջրի պես պետք է: