ԵՐԵՎԱՆ, 21 դեկտեմբերի–Sputnik. Դեկտեմբերի 15-ից 21-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել է շուրջ 180 անգամ։ Այս մասին տեղեկացնում է Արցախի Հանրապետության պաշտպանության նախարարությունը։
Նշված ժամանակահատվածում հակառակորդը, տարբեր տրամաչափի հրաձգային զինատեսակներ կիրառելով, ՊԲ-ի առաջապահ ուժերի ուղղությամբ արձակել է ավելի քան 1200 կրակոց:
«Ճիշտը ժամանակին ծառայության մեկնելն է». Գյումրուց նորակոչիկների 1–ին խումբը մեկնեց բանակ
«ԱՀ զինված ուժերի մարտական հերթապահություն իրականացնող ստորաբաժանումները նշված ժամանակահատվածում հստակորեն կատարել են առաջադրված մարտական խնդիրները՝ օպերատիվ-մարտավարական իրադրությունը պահելով մշտական վերահսկողության ներքո»,– նշված է հաղորդագրության մեջ:
Նշենք, որ նախորդ շաբաթ` դեկտեմբերի 8-ից 14-ն ընկած ժամանակահատվածում, Ադրբեջանը հրադադարի պահպանման ռեժիմը խախտել էր շուրջ 140 անգամ` տարբեր տրամաչափի հրաձգային զինատեսակներից արձակելով ավելի քան 1200 կրակոց։