ԵՐԵՎԱՆ, 20 դեկտեմբերի – Sputnik. «Երևան Սիթի» սուպերմարկետում երեկ երեկոյան հանկարծամահ է եղել 50-ամյա տղամարդ. Sputnik Արմենիային հայտնեցին ոստիկանության լրատվական ծառայությունից։
«Երեկ, ժամը 19։10-ին, շտապօգնության կայանից հաղորդում է ստացվել, որ Մաշտոցի 5 հասցեում գտնվող «Երևան Սիթի» սուպերմարկետում շուրջ 50 տարեկան տղամարդ է հանկարծամահ եղել։ Դեպքի վայր մեկնած օպերատիվ-հետախուզական խումբն արտաքին զննությամբ բռնության հետքեր չի հայտնաբերել»,–հայտնեցին ոստիկանությունից։
Դիվանագետի մեքենայից գողություն կատարողին ոստիկանությունը հայտնաբերել է. տեսանյութ
Նշանակվել է դատաբժշկական փորձաքննություն։ Նյութեր են նախապատրաստվում։
Shamshyan.com-ի տեղեկություններով` մահացածը 58-ամյա Լևոն Բ.-ն է. որը նշված սուպերմարկետում Երևանի բնակիչ, 26-ամյա Դալար Ա.-ի սայլակի միջից գողացել է նրան պատկանող պայուսակը, ինչը նկատել են անվտանգության աշխատակիցները: Վերջիններս կասկածյալին ուղեկցել են մենեջերի աշխատասենյակ, որտեղ նա հանկարծամահ է եղել: