Երևան, 17 դեկտեմբերի - Sputnik. Ամերիկահայ գործարար Միքայել Իսրայելյանը դարձել է RTVi հեռուստաալիքի սեփականատերը։ Այս մասին հայտնում են ռուսական լրատվամիջոցները:
Նշվում է, որ գործարարը բաժնետոմսերը գնել է «Զվեզդայի» նախկին գլխավոր տնօրեն Ռուսլան Սոկոլովից։ Վերջինս RTVi-ի բաժնետոմսերի սեփականատեր է եղել 2012 թվականից:
Իսրայելյանը հայտարարել է, որ ԱՄՆ-ի արևմտյան ափին բիզնեսի ընդլայնման հեռանկարներ է տեսնում հեռուստադիտողների ներգրավման հաշվին, որոնք ցանկանում են պահպանել իրենց կապերը ռուսական մշակութային եւ լրատվական օրակարգի հետ:
Նրա խոսքով ՝ ԱՄՆ-ում այժմ բնակվում է շուրջ 7 մլն ռուսալեզու, որոնք հետաքրքրված են մայրենի լեզվով օրիգինալ բարձրորակ կոնտենտով:
RTVi հեռուստաալիքը ստեղծվել է 1997 թվականին, որի հիմնադիրը Վլադիմիր Գուսինսկին է։ 2012 թվականին հեռուստաալիքի սեփականատեր է դարձել Ռուսլան Սոկոլովը:
Միքայել Իսրայելյանը գլխավորում է Muse Lifestyle խումբը, որն զբաղվում է ռեստորանների ու գիշերային ակումբների կառավարմամբ։ Նրա նախագծերի թվում են Romanov ռեստորանը և Լոս Անջելեսի Playhouse գիշերային ակումբը։
«Ներեցեք, բալիկս է». հաղորդավարուհու որդին հայտնվել է ուղիղ եթերում