ԵՐԵՎԱՆ, 16 դեկտեմբերի — Sputnik. Հանրապետության հրապարակում ամանորյա տոնական միջոցառումների նախապատրաստական աշխատանքներով պայմանավորված` Երևանի մի շարք փողոցներ ժամանակավորապես փակ կլինեն։ Այս մասին տեղեկացնում են Երևանի քաղաքապետարանից և հավելում, որ դա արվում է միջոցառումների անվտանգությունն ապահովելու նկատառումով։
Մասնավորապես, Հանրապետության հրապարակում դեպի մայր տոնածառ տանող վերգետնյա անցում տեղադրելու նպատակով ս.թ. դեկտեմբերի 18-ին, ժամը 21։00-ից մինչև դեկտեմբերի 19-ի ժամը 08։00-ն կդադարեցվի Հանրապետության հրապարակից դեպի Վ. Սարգսյան փող. տանող շրջանաձև ճանապարհահատվածի և Վ. Սարգսյան փողոցից դեպի Հանրապետության հրապարակի շրջանաձև հատված տանող տրանսպորտային հոսքերի երթևեկությունը։
Տոնածառի լույսերը վառելու արարողության փորձերը և միջոցառումը կազմակերպելու նպատակով ս.թ. դեկտեմբերի 19-ին, ժամը 21։00-ից կդադարեցվի Նալբանդյան-Աբովյան հատվածի երթևեկությունը մինչև դեկտեմբերի 20-ի առավոտյան ժամը 05։00-ն և դեկտեմբերի 20-ին` ժամը 19։00-ից մինչև դեկտեմբերի 21-ը՝ ժամը 24։00-ն։
Ս.թ. դեկտեմբերի 21–ին, ժամը 17:00-24:00-ն փակ կլինեն Հանրապետության հրապարակ մտնող բոլոր փողոցները։
Գրպանին ու տրամադրությանը համահունչ. ու՞ր մեկնել Ամանորին․ տոնական թոփ 5 ուղղություն
Դեկտեմբերի 31-ի համերգը կազմակերպելու նպատակովս.թ. դեկտեմբերի 29-ին, ժամը 22։00-ից կդադարեցվի Նալբանդյան-Աբովյան հատվածի երթևեկը՝մինչև հունվարի 1-ը, ժամը 08։00-ն։Ս.թ. դեկտեմբերի 31–ին, ժամը 17:00-ից մինչև հունվարի 1-ը, ժամը 06:00-ն կփակվեն Հանրապետության հրապարակ մտնող բոլոր փողոցները։
Սուրբծննդյան համերգը կազմակերպելու նպատակով2020թ. հունվարի 5-ին, ժամը 11:00-ից կդադարեցվի Նալբանդյան-Աբովյան հատվածի երթևեկությունը մինչև 24:00-ը։
Բաբաջանյանի «Նոկտյուրնը» Նոր տարվա «Огонек»-ի պատվեր է. ո՞ւր են կորել հայկական հիթերը
Հիշեցնենք, որ Ամանորի գիշերը` դեկտեմբերի 31-ին, Երևանի Հանրապետության հրապարակում կկայան աշխարհահռչակ երգիչ Գորան Բրեգովիչի համերգը։ Բրեգովիչը Հայաստան կժամանի 10-հոգանոց խմբով, բեք վոկալով։Երևանի քաղաքապետարանը 325 միլիոն դրամ (շուրջ 677 հազար դոլար) կծախսի Նոր տարվա միջոցառումների համար. 271 միլիոնը կառավարությունն է տրամադրել, 54 միլիոնն էլ ընթացիկ բյուջեով է հատկացված։